Actualitats
“Nikasitimos montava Timion aicí”, un tag erotic de 2500 ans
En l’illa d’Astypalaia, en Dodecanès, l’arqueològ Andreas Vlachopoulos a fach la descobèrta d’una ròca e dos petroglifs que representan dos vièches e l’inscripcion “Nikasitimos montava Timion aicí” (Νικασίτιμος οἶφε Τιμίονα). L’inscripcion data del sègle V o VI abans lo Crist, segon çò que rapòrta The Guardian.
Nikasitimos e Timion èran dos òmes
Timion es un nom d’òme. Nikasitimos es un nom d’òme tanben. Se pòt que foguèsson soldats. La ròca se tròba al ponch mai naut d’un promontòri que permet una vista panoramica d’una baia. Es fòrça probable qu’una garnison de soldats foguèsse estada postada ailà.
Vlachopoulos declarèt al jornal britanic The Guardian: “es sabut qu’en la Grècia antica lo desir sexual entre òmes èra pas un tabó”, mas aqueste grafiti es inusual, “ditz clarament qu’aqueles dos òmes estavan e faguèron l’amor pendent un long periòde de temps, en metent l’enfasi en l’acte sexual d’una manièra plan inusuala per çò de l’art erotic.”
L’inscripcion es perfiècha, aquela persona prenguèt un brave temps per escriure son messatge. E aquò se passèt en una illa luenchenca un pauc abans lo sègle d’aur atenenc. Mas abans Pericles, almens dempuèi la segonda mitat del sègle VI, la capacitat de legir e d’escriure èra pro socializada. E la tolerància sexuala tanben, a çò que se vei.
Puèi venguèt lo cristianisme
Trobam dins la letra de l’apòstol Joan als romans: “Per açò, Diu les a deishat enes sues passions vergonhoses. Es hemnes an cambiat er us naturau deth sèxe per un us contra natura, e semblantament es òmes deishant era relacion naturau tamb era hemna, s’an ahlamat de passion es uns pes auti e an cometut actes infamants òmes tamb òmes, realament an recebut era recompensa que meritaue eth sòn error!”[1] (Rm 1, 26-27)
En 342, los emperaires Constantin e Constanci depausèron una lei per punir l’omosexualitat masculina passiva per mejan de la castracion.
En 390, aquela lei foguèt melhorada per Teodòsi, que permetèt de cremar al lenhièr los omosexuals passius que trabalhavan als bordèls.
En 533, Justinian puniguèt amb sanament e lenhièr tot acte omosexual passiu e actiu.
L’istòria es longa. Podèm clavar, per dire una data a l’azard Bautesar, amb la manifestacion del 26 de mai de 2013 contra lo matrimòni omosexual a París.
Nikasitimos e Timion aguèron l’astre de se poder estalviar tot aquò.
Manèl Zabala
______
[1] Nau Testament, virat ar aranés dera Bíblia catalana interconfessionau per Jusèp Amiell.
Nikasitimos e Timion èran dos òmes
Timion es un nom d’òme. Nikasitimos es un nom d’òme tanben. Se pòt que foguèsson soldats. La ròca se tròba al ponch mai naut d’un promontòri que permet una vista panoramica d’una baia. Es fòrça probable qu’una garnison de soldats foguèsse estada postada ailà.
Vlachopoulos declarèt al jornal britanic The Guardian: “es sabut qu’en la Grècia antica lo desir sexual entre òmes èra pas un tabó”, mas aqueste grafiti es inusual, “ditz clarament qu’aqueles dos òmes estavan e faguèron l’amor pendent un long periòde de temps, en metent l’enfasi en l’acte sexual d’una manièra plan inusuala per çò de l’art erotic.”
L’inscripcion es perfiècha, aquela persona prenguèt un brave temps per escriure son messatge. E aquò se passèt en una illa luenchenca un pauc abans lo sègle d’aur atenenc. Mas abans Pericles, almens dempuèi la segonda mitat del sègle VI, la capacitat de legir e d’escriure èra pro socializada. E la tolerància sexuala tanben, a çò que se vei.
Puèi venguèt lo cristianisme
Trobam dins la letra de l’apòstol Joan als romans: “Per açò, Diu les a deishat enes sues passions vergonhoses. Es hemnes an cambiat er us naturau deth sèxe per un us contra natura, e semblantament es òmes deishant era relacion naturau tamb era hemna, s’an ahlamat de passion es uns pes auti e an cometut actes infamants òmes tamb òmes, realament an recebut era recompensa que meritaue eth sòn error!”[1] (Rm 1, 26-27)
En 342, los emperaires Constantin e Constanci depausèron una lei per punir l’omosexualitat masculina passiva per mejan de la castracion.
En 390, aquela lei foguèt melhorada per Teodòsi, que permetèt de cremar al lenhièr los omosexuals passius que trabalhavan als bordèls.
En 533, Justinian puniguèt amb sanament e lenhièr tot acte omosexual passiu e actiu.
L’istòria es longa. Podèm clavar, per dire una data a l’azard Bautesar, amb la manifestacion del 26 de mai de 2013 contra lo matrimòni omosexual a París.
Nikasitimos e Timion aguèron l’astre de se poder estalviar tot aquò.
Manèl Zabala
______
[1] Nau Testament, virat ar aranés dera Bíblia catalana interconfessionau per Jusèp Amiell.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Dens lo Simpòsi (?*), Platon que defineish las condicions qui hèn arrespectabla o quitament admirabla ua relacion entre òmis, e las qui ne hèn ua forma de gorrinèra o de prostitucion. Qu’existivan clarament relacions omosexuaus sociaument encoratjadas coma manièra d’eslhevà’s moraument.
L’Aristofanes qu'avè sovent mordenta la satira. Que caleré véder se’s trufèva de l’omosexualitat en generau o de cèrtas practicas en particular.
———
(*Συμποσίον : tant "taulejada" com "avinatada" que’m semblan de tradusir mau lo títol…)
Article interessant, un còp de mai, Manèl. Es vertat qu'es lo cristianisme, en Grècia, que terminèt la tolerància qu'existissiá a l'epòca pagana a respècte de l'omosexualitat, en particular masculina, çò'm par, ja que, segon las ciutats, la dòna podiá passar sa vida embarrada. Mas sembla que l'omosexualitat se vegèsse sovent coma un rite de passatge abans del matrimòni, necessàriament eterosexual perque destinat a la reproduccion, e que foguèsse vergonhós a Atenas d'aver de relacions omosexualas apuèi: Aristofanes, dins qualques unas de sas comèdias, se trufava d'un ciutadan per son omosexualitat. Malgrat sas nuanças, es possible que la relativa tolerància devèrs l'omosexualitat s'explique perque Grècia patissiá la subrepopulacion (que la menèt a colonizar las còstas mediterranèas) mentre que los ebrieus, qu' al contrari cercavan l'espandiment demografic, èran tras que durs amb aquesta orientacion sexuala, se legissèm la lei josieva, que la castiga amb la mòrt...
Lo Nòu Testament non parla quasi mai de l'omosexualitat, e lo contengut d'aquel passatge s'apren probable a l'origina josieuva e mai farisèva (rigorista) de Pau. Es tanben pr'amor de sas originas farisèvas que l'apòstol exprimís de còps de tendéncias misoginas, mentre que Jèsus parla publicament amb de dònas, çò qu'èra mal vist a aquela epòca, e non parla pas de sexualitat. Lo messatge evangelic a d'efièch lo còr coma centre, coma se vei dins lo Sermon sus la Montanha.
Darrièras observacions. 1) Soi pas segur que totes los manifestants contra la dobertura del matrimòni foguèsson omofòbs, valent a dire asirèsson los omosexuals; cèrts volián simpletament aparar lor vision tradicionala - e benlèu mitica - de la familha; pasmens, coma crestian, me grèva fòrça que de cresents aguèsson manifestat al costat d'autentics faissistas, e i aviá una ambigüitat que non m'agradava pas. 2) Las glèisas son devesidas sus la question. Se de protestants son d'acòrdi amb l'intransigéncia de la glèisa romana, d'autres, al contrari, benesisson las unions omosexualas.
He!
Sent Joan qu'èra aranés!!!!
Assumir, shens vergonha, quitament s'èra "normau" a l'epòca... Au mens se regalèn aqueths d'acerà !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari