BRIC es l’acronim concebut per l’economista Jim O’Neill per reünir los païses emergents de Brasil, Russia, Índia e China. De 2001 es son document Building Better Global Economic BRICs, e de 2003 son ensag Dreaming with BRICs: The Path to 2050.
En 2006 BRIC quitèt d’èsser una sigla. Los ministres dels afars exteriors de Brasil, Russia, Índia e China decidiguèron de se reünir en l’escasença de l’Assemblada Generala de las Nacions Unidas. Sergei Lavrov, lo representant de Russia, parlèt alavetz de certans “acòrdis interessants que parlan de l’interès d’institucionalizar la nòstra collaboracion”.
En 2009, lo primièr encontre oficial dels BRIC per bastir una “novèla realitat geopolitica” se tenguèt a Iekaterinburg, en Russia.
En 2010 se tornèron amassar a Brasília, en Brasil.
En 2011 s’amassèron a Sanya, en China, amb l’adesion oficiala de Sud-Africa. D’ara enlà los BRIC seràn los BRICS.
En 2012 s’amassèron a Nòva Delhi, en Índia.
En 2013 a Durban, en Sud-Africa.
E uèi s’amassan a Fortaleza. Dimenge se clavèt lo mondial de fotbòl. Ara que los jornalistas esportius son tornats dins sos respectius païses, uèi dimars comença en Brasil lo rescontre que compta.
Sovent s’es parlat qu’Indonesia, Argentina e Turquia voldrián venir membres dels BRICS. Mai que mai d’Argentina, e aquò èra una bona idèa al vejaire d’Índia e de China, mas la presidenta brasilièra, Dilma Rousseff, a declarat que l’inclusion de païses novèls serà pas dins l’òrdre de las discusions. E a degun escapa que Vladimir Putin aviá dich: “Russia estima lo desir del govèrn argentin de se jónher als BRICS. Es plan possible d’establir de relacions d’aligança estrategica entre los BRICS e Argentina —e tanben amb d’autres païses en desvolopament— per çò de las questions de politica internacionala, l’economia e las finanças”.
Los BRICS son uèi un mercat que tòca lo 40% de l’umanitat e lo 20% del PIB mondial, totes reünits per una presa de posicion economica. Economica, pas mai.
E que fasèm de la democracia?
Dempuèi lo 8 de decembre de 1991, lo jorn que l’Union Sovietiva quitèt d’existir, semblèt que lo modèl democratic-capitalista èra lo sol modèl de reüssida, en parlant d’economia.
Puèi, pr’aquò, aquela idèa es estada totjorn contestada per China, que dempuèi lo chaple de Tian’anmen (1989) se consolidèt en modèl de dictatura comunista al servici de l’economia de mercat. Dempuèi la crisi economica internacionala de 2008, al moment que los poders politics occidentals èran completament paralisats, la dictatura chinesa semblèt la sola poténcia capabla de generar creissença e emplec duradís. Pauc a cha pauc, mas de contunh, de milions de chineses abandonan definitivament la pauretat. 660 milions de chineses quitèron d’èsser paures entre 1981 e 2008, segon las donadas de la Banca Mondiala.
E totun Brasil a crescut fòrça tanben, e Brasil es una democracia.
Al rescontre d’uèi segurament veirem lo truc de doas filosofias. Justament, l’indèx annual de prosperitat del Legatum Institute ven d’èsser publicat. S’agís d’un document que compara los modèls de govèrn democratic de Brasil, Índia e Sud-Africa, l’autoritari de Russia e lo dictatorial de China. Legatum conclutz: “la democracia es pas una entrava a la creissença. Al contrari, los dreches e las libertats democraticas pòdon ajudar a sosténer un desvolopament duradís, una màger creissença economica e de sortidas eficaças de la pauretat”. Cal pas renonciar a las libertats individualas, a la libertat de premsa, a las eleccions periodicas... Los de Legatum defendon que los progrèsses economics e socials de Brasil, Índia e Sud-Africa son deguts justament a la sieuna evolucion democratica. Aqueles modèls de democracias non‑occidentalas pòdon inspirar de païses interessats per aquela dralha, es lo cas de Malàisia, Singapor e Turquia, per exemple.
La solucion. Mai democracia, encara
China a crescut darrièrament, a crescut fòrça. Russia a crescut, fòrça mens en proporcion, mas a crescut. E, pr’aquò, son pas de democracias. A qué lor serviriá la democracia?
Legatum sosten que la democracia apara las gents —aqueles qu’apertenon pas a las classas privilegiadas, se compren—, e permet a aquelas gents de denonciar los abuses del poder. Aquò pòt servir per Brasil, benlèu, mas pas en China. Al dintre d’una dictatura los que denóncian los abuses son sistematicament reprimits.
La democracia es un bon remèdi contra la corrupcion. Dins l’amira del progrès d’un país val mai que l’entrepreneires pòscan investir en R+D+I (recèrca, desvolopament e innovacion) qu’en C (corrupcion). A mai, los viraments bancaris al compte corrent de l’illa de Jersey d’un politic corromput marcan pas plan dins los libres de comptes.
Mas cal una democracia mai perfiècha
Las economias de Brasil, Índia e Sud-Africa son pas tan perfièchas, la corrupcion e las inegalitats socialas son grandas. Lo document elaborat per Legatum prepausa de “melhorar la transparéncia e responsabilitat de las institucions, liberalizar l’economia, ganhar en eficacitat de l’administracion de las ressorsas publicas e promòure l’autosufisença en las politicas contra la pauretat”. Tot aquò dins l’amira d’una creissença economica fòrta e inclusiva, sens pèrdre d’estabilitat politica. Lo darrièr ponch es important. Brasil a un rendètz-vos amb las urnas en octòbre.
Contra BM e FMI nais BB, “Banca BRICS”
Los BRICS son pas jamai estats contents de las politicas en matèria de crèdit de la Banca Mondiala e del Fons Monetari Internacional. Es per aquò que van lançar la sieuna pròpria Banca de Desvolopament e un Fons de Resèrva d’Emergéncia, lo capital inicial serà de 50 000 milions de dolars, d’un budget final previst de 100 000 dolars. Cada país pòrta ara 10 000 milions. Amb aquò vòlon ganhar d’influéncia en ofrir son finançament als autres estats en via de desvolopament del Mond. Serà lo primièr còp que lo Tèrç Mond aurà la possibilitat d’una font de finançament alternativa a las de la BM e l’FMI, tròp sovent acusats d’èsser tròp atentius als interèsses dels Estats Units e d’Euròpa. La banca dels BRICS dobrís la pòrta a de sòcis novèls, especialament a Mexic, Turquia, Indonesia e Nigèria.
Manèl Zabala
En 2006 BRIC quitèt d’èsser una sigla. Los ministres dels afars exteriors de Brasil, Russia, Índia e China decidiguèron de se reünir en l’escasença de l’Assemblada Generala de las Nacions Unidas. Sergei Lavrov, lo representant de Russia, parlèt alavetz de certans “acòrdis interessants que parlan de l’interès d’institucionalizar la nòstra collaboracion”.
En 2009, lo primièr encontre oficial dels BRIC per bastir una “novèla realitat geopolitica” se tenguèt a Iekaterinburg, en Russia.
En 2010 se tornèron amassar a Brasília, en Brasil.
En 2011 s’amassèron a Sanya, en China, amb l’adesion oficiala de Sud-Africa. D’ara enlà los BRIC seràn los BRICS.
En 2012 s’amassèron a Nòva Delhi, en Índia.
En 2013 a Durban, en Sud-Africa.
E uèi s’amassan a Fortaleza. Dimenge se clavèt lo mondial de fotbòl. Ara que los jornalistas esportius son tornats dins sos respectius païses, uèi dimars comença en Brasil lo rescontre que compta.
Sovent s’es parlat qu’Indonesia, Argentina e Turquia voldrián venir membres dels BRICS. Mai que mai d’Argentina, e aquò èra una bona idèa al vejaire d’Índia e de China, mas la presidenta brasilièra, Dilma Rousseff, a declarat que l’inclusion de païses novèls serà pas dins l’òrdre de las discusions. E a degun escapa que Vladimir Putin aviá dich: “Russia estima lo desir del govèrn argentin de se jónher als BRICS. Es plan possible d’establir de relacions d’aligança estrategica entre los BRICS e Argentina —e tanben amb d’autres païses en desvolopament— per çò de las questions de politica internacionala, l’economia e las finanças”.
Los BRICS son uèi un mercat que tòca lo 40% de l’umanitat e lo 20% del PIB mondial, totes reünits per una presa de posicion economica. Economica, pas mai.
E que fasèm de la democracia?
Dempuèi lo 8 de decembre de 1991, lo jorn que l’Union Sovietiva quitèt d’existir, semblèt que lo modèl democratic-capitalista èra lo sol modèl de reüssida, en parlant d’economia.
Puèi, pr’aquò, aquela idèa es estada totjorn contestada per China, que dempuèi lo chaple de Tian’anmen (1989) se consolidèt en modèl de dictatura comunista al servici de l’economia de mercat. Dempuèi la crisi economica internacionala de 2008, al moment que los poders politics occidentals èran completament paralisats, la dictatura chinesa semblèt la sola poténcia capabla de generar creissença e emplec duradís. Pauc a cha pauc, mas de contunh, de milions de chineses abandonan definitivament la pauretat. 660 milions de chineses quitèron d’èsser paures entre 1981 e 2008, segon las donadas de la Banca Mondiala.
E totun Brasil a crescut fòrça tanben, e Brasil es una democracia.
Al rescontre d’uèi segurament veirem lo truc de doas filosofias. Justament, l’indèx annual de prosperitat del Legatum Institute ven d’èsser publicat. S’agís d’un document que compara los modèls de govèrn democratic de Brasil, Índia e Sud-Africa, l’autoritari de Russia e lo dictatorial de China. Legatum conclutz: “la democracia es pas una entrava a la creissença. Al contrari, los dreches e las libertats democraticas pòdon ajudar a sosténer un desvolopament duradís, una màger creissença economica e de sortidas eficaças de la pauretat”. Cal pas renonciar a las libertats individualas, a la libertat de premsa, a las eleccions periodicas... Los de Legatum defendon que los progrèsses economics e socials de Brasil, Índia e Sud-Africa son deguts justament a la sieuna evolucion democratica. Aqueles modèls de democracias non‑occidentalas pòdon inspirar de païses interessats per aquela dralha, es lo cas de Malàisia, Singapor e Turquia, per exemple.
La solucion. Mai democracia, encara
China a crescut darrièrament, a crescut fòrça. Russia a crescut, fòrça mens en proporcion, mas a crescut. E, pr’aquò, son pas de democracias. A qué lor serviriá la democracia?
Legatum sosten que la democracia apara las gents —aqueles qu’apertenon pas a las classas privilegiadas, se compren—, e permet a aquelas gents de denonciar los abuses del poder. Aquò pòt servir per Brasil, benlèu, mas pas en China. Al dintre d’una dictatura los que denóncian los abuses son sistematicament reprimits.
La democracia es un bon remèdi contra la corrupcion. Dins l’amira del progrès d’un país val mai que l’entrepreneires pòscan investir en R+D+I (recèrca, desvolopament e innovacion) qu’en C (corrupcion). A mai, los viraments bancaris al compte corrent de l’illa de Jersey d’un politic corromput marcan pas plan dins los libres de comptes.
Mas cal una democracia mai perfiècha
Las economias de Brasil, Índia e Sud-Africa son pas tan perfièchas, la corrupcion e las inegalitats socialas son grandas. Lo document elaborat per Legatum prepausa de “melhorar la transparéncia e responsabilitat de las institucions, liberalizar l’economia, ganhar en eficacitat de l’administracion de las ressorsas publicas e promòure l’autosufisença en las politicas contra la pauretat”. Tot aquò dins l’amira d’una creissença economica fòrta e inclusiva, sens pèrdre d’estabilitat politica. Lo darrièr ponch es important. Brasil a un rendètz-vos amb las urnas en octòbre.
Contra BM e FMI nais BB, “Banca BRICS”
Los BRICS son pas jamai estats contents de las politicas en matèria de crèdit de la Banca Mondiala e del Fons Monetari Internacional. Es per aquò que van lançar la sieuna pròpria Banca de Desvolopament e un Fons de Resèrva d’Emergéncia, lo capital inicial serà de 50 000 milions de dolars, d’un budget final previst de 100 000 dolars. Cada país pòrta ara 10 000 milions. Amb aquò vòlon ganhar d’influéncia en ofrir son finançament als autres estats en via de desvolopament del Mond. Serà lo primièr còp que lo Tèrç Mond aurà la possibilitat d’una font de finançament alternativa a las de la BM e l’FMI, tròp sovent acusats d’èsser tròp atentius als interèsses dels Estats Units e d’Euròpa. La banca dels BRICS dobrís la pòrta a de sòcis novèls, especialament a Mexic, Turquia, Indonesia e Nigèria.
Manèl Zabala
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo brasil ua democracia!? La policia que tua cada annada 1500 ciutadants pobres sonque dens la ciutat deu Rio. Dens las campanhas lo movement paisan qu'ei tostemps atacats d'ua manèra violenta, milicias deus latifundaires que tuan lo leaders, los pòples originarios que son entrin d'acabar de crebar gracia a la creishença. 500 familhas se partatje la mietat deu pais... Lo brasil, l'Africa deu sud, l'india que son semi-colonias sosmèsa a l'imperialisme qui cada dia dab la segonda crisi gerau deu capitalisme presiona encuèra mès las classas popularas.
Mès la resistencia que s'organiza en India ua guerilha comunista contre-ròtle 1/3 deu pais, en China qu'ia 80000 susmautas deus obrièrs/paisans contra la politica capitalista, sindicalistas comunistas que son en preson perdeque que dehèn los dreits inscruits dens la constitution. Qu'ei proibit de hestejar l'aniversari deu mao, la china qu'ei ua dictatura social-facista despush lo còp d'estat de Deng Xiaoping. Au brasil, lo PT qu'ei cada dia mès faiblòt e la revolta popular que son cada dia mei hòrta. De la mèsma manèra en Azania (AdS) la resistència qu'ei de mei en mei hòrt cap ad aqueste regime de rapina. Lo PT qu'ei l'exemple d'aqueste esquèra oportunista que darrèra tot lo son discors populista qu'engana lo pòple. Nada cambia, qu'ei pior cada dia, n'i a pas milas camins sonque lo camin de la revolucion socialista tà cambiar tot aquo. E a noste qu'ei la medish causa.
«Al contrari, los dreches e las libertats democraticas pòdon ajudar a sosténer un desvolopament duradís, una màger creissença economica e de sortidas eficaças de la pauretat»
>> quina descuberta ! Seriosament, me sembla una evidéncia. La correlacion entre democracia e desvelopament economica es documentada per mantunas mapas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari