Usama Bin Ladin (1957-2011) foguèt un miliardari saudita e un fondador de l’organizacion terrorista Al Qaida. Ahmad Salah Al Ghamdi, Hamza Al Ghamdi, Muhand Ash Shihri, 3 dels 5 piratas de l’aire del vòl 175 d’United Airlines, èran sauditas. Said Al Ghamdi, Ahmad Al Haznawi e Ahmad An Nami, 3 dels 4 piratas de l’aire del vòl 93 d’United Airlines, èran sauditas tanben. Nawaf Al Hazmi, Salam Al Hazmi, Khalid Al Mihdar, Hani Hanjur, Majad Muqad, los 5 piratas de l’aire del vòl 77 d’American Airlines, èran sauditas tanben. Abd Al Aziz Al Umari, Satam As Suqami, Walid Ash Shihri, Wail Ash Shihri, 3 dels piratas de l’aire del vòl 11 d’United Airlines, èran sauditas tanben...
Lo rei Abd Allah de l’Arabia Saudita sembla que n’a son pro. Lo rei e primièr ministre e comandant de la Gàrdia Nacionala Saudita a emés lo Reial decret 44 qu’erigís en infraccion penala “la participacion en ostilitats fòra lo reialme”, que poirà èsser punida per lei amb pena d’empresonament d’entre 3 e 20 ans. Aquò vòl dire que s’un saudita vòl anar far la guèrra santa en Siria, fariá plan de ganhar aquela guèrra per, après, lai demorar. Aquela lei de març de 2014 foguèt melhorada lo mes de junh passat, que lo Ministèri de l’Interior saudita donèt la lista dels grops que lo govèrn estima que son “terroristas”, dont los Fraires Musulmans.
D’unes se son avisats que dins aquela lista i a quicòm que truca. Dins l’article primièr de las novèlas disposicions, an trobat que lo govèrn estima tanben coma terrorista “lo que fa apèl al pensament atèu en quina que siá la forma, o lo que met en question los fondaments de la religion islamica que sosten aqueste país”.
Se i auriá d’atèus en Arabia Saudita?
Òc, n’i a. Semblariá que n’i aguèsse fòrça. Solide, son pas tantes coma en Occitània, mas son fòrça per un regim de teocracia musulmana que sa devisa nacionala es “I a de dieu pas qu’Allà e Maomet es son profèta”.
En 2012, una enquèsta Gallup trobèt que 25 d’entre un montant de 500 sauditas se declaravan atèus convencuts. Mas segurament los atèus sauditas despassan aquel 5%. Dins una teocracia que pòt punir amb la mòrt l’apostasia, lo proselitisme non-musulman... cal èsser prudent amb un enquistaire desconegut.
Es pro sabut que la traduccion en arabi de The God Delusion (L’illusion de Dieu, Pour en finir avec Dieu, en la traduccion francesa), del biologista britanic Richard Dawkins, es pro legida e discutida pels atèus musulmans, dont fòrça son sauditas. Fan pas partida de las massas mas son un brave escabòt dins lo mond cultivat.
La liura pensada dins lo Mond Arabi es pas gaire de mòda a l’ora d’ara. Mas foguèt pas tan rara en un moment que lo concèpte sol de “pensada” èra rar, inusitat puslèu, en Occident. Al sègle X, Abu Bakr Muhammad Ibn Zakariyya Ar Razi, conegut jol nom d’Ar Razi, o amb lo nom latinizat de Razés, defendiá l’importància suprèma de la rason. En França, per que nasquèsse Descartes, calguèt esperar 7 sègles.
Manèl Zabala
_____
La novèla de la condemnacion de l’ateïsme a The Independent.
Lo rei Abd Allah de l’Arabia Saudita sembla que n’a son pro. Lo rei e primièr ministre e comandant de la Gàrdia Nacionala Saudita a emés lo Reial decret 44 qu’erigís en infraccion penala “la participacion en ostilitats fòra lo reialme”, que poirà èsser punida per lei amb pena d’empresonament d’entre 3 e 20 ans. Aquò vòl dire que s’un saudita vòl anar far la guèrra santa en Siria, fariá plan de ganhar aquela guèrra per, après, lai demorar. Aquela lei de març de 2014 foguèt melhorada lo mes de junh passat, que lo Ministèri de l’Interior saudita donèt la lista dels grops que lo govèrn estima que son “terroristas”, dont los Fraires Musulmans.
D’unes se son avisats que dins aquela lista i a quicòm que truca. Dins l’article primièr de las novèlas disposicions, an trobat que lo govèrn estima tanben coma terrorista “lo que fa apèl al pensament atèu en quina que siá la forma, o lo que met en question los fondaments de la religion islamica que sosten aqueste país”.
Se i auriá d’atèus en Arabia Saudita?
Òc, n’i a. Semblariá que n’i aguèsse fòrça. Solide, son pas tantes coma en Occitània, mas son fòrça per un regim de teocracia musulmana que sa devisa nacionala es “I a de dieu pas qu’Allà e Maomet es son profèta”.
En 2012, una enquèsta Gallup trobèt que 25 d’entre un montant de 500 sauditas se declaravan atèus convencuts. Mas segurament los atèus sauditas despassan aquel 5%. Dins una teocracia que pòt punir amb la mòrt l’apostasia, lo proselitisme non-musulman... cal èsser prudent amb un enquistaire desconegut.
Es pro sabut que la traduccion en arabi de The God Delusion (L’illusion de Dieu, Pour en finir avec Dieu, en la traduccion francesa), del biologista britanic Richard Dawkins, es pro legida e discutida pels atèus musulmans, dont fòrça son sauditas. Fan pas partida de las massas mas son un brave escabòt dins lo mond cultivat.
La liura pensada dins lo Mond Arabi es pas gaire de mòda a l’ora d’ara. Mas foguèt pas tan rara en un moment que lo concèpte sol de “pensada” èra rar, inusitat puslèu, en Occident. Al sègle X, Abu Bakr Muhammad Ibn Zakariyya Ar Razi, conegut jol nom d’Ar Razi, o amb lo nom latinizat de Razés, defendiá l’importància suprèma de la rason. En França, per que nasquèsse Descartes, calguèt esperar 7 sègles.
Manèl Zabala
_____
La novèla de la condemnacion de l’ateïsme a The Independent.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"opinion tant espandiDA", de segur. Ai escrich tròp lèu, e mal despertat! :-)
Article tras qu'interessant, de verai, que fa encara pojar lo nivèl de Jornalet. La fin me'n sembla pasmens discutibla, perque dona l'impression, çò'm par, que l'ateïsme e lo racionalisme se confondon, mas ni Razés ni Descartes non foguèron atèus. Cresi pas que l'ateïsme siá una opinion tant espandit: benlèu l'agnosticisme es mai frequent.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari