Actualitats
Una plataforma ciutadana demanda una region autonòma en Catalonha Nòrd
Impulsada per Brice Lafontaine, president d’Unitat Catalana, l’iniciativa a ja recebut lo sosten d’elegits de la Catalonha del sud
Se presentèt diluns a Perpinhan la plataforma ciutadana impulsada per Brice Lafontaine, president del partit Unitat Catalana, per crear una region autonòma en Catalonha Nòrd. Coma o expliquèt, la reforma territoriala que prepara lo govèrn francés, e qu’es ja en discussion parlamentària, “diluirà” Catalonha Nòrd dins una macroregion amb la capitala a Tolosa, çò que daissarà los nòrd-catalans “sens poder de decision”.
“Sèm fòrça los que pensam que nos cal una collectivitat territoriala pròpria per aver una bona gestion economica e una reconeissença mai clara de la nòstra identitat”, çò diguèt Lafontaine, qu’a ja lo sosten de personalitats del mond politic e de la societat civila.
La reforma territoriala impulsada per François Hollande, que prevei de reduire lo nombre de regions amb l’objectiu de simplificar l’administracion e de demenir de despensas de l’estat francés, prevei que lo departament dels Pirenèus Orientals faga partida d’una macroregion qu’amassarà Miègjorn-Pirenèus e Lengadòc-Rosselhon e qu’auriá benlèu sa capitala a Tolosa. Al delà, la reforma prevei tanben que lo departament dels Pirenèus Orientals desaparesca en 2020. Aiçò implicariá, segon los impulsors de la plataforma ciutadana, que Catalonha Nòrd demorariá sens cap de representacion administrativa.
Es per tot aquò que Brice Lafontaine, conselhièr de la comuna de Perpinhan e president d’Unitat Catalana, a impulsat aquela plataforma ciutadana per amassar d’adesions amb l’objectiu de crear la region de Catalonha Nòrd. Sul sit Region.cat, totòm se pòt apondre a la demanda collectiva que, e mai s’a pas lo sosten de la classa politica nòrd-catalana, vòl créisser en obtenent d’adesions sufisentas per far pression sus “lo govèrn francés” e, ansin, evitar que Catalonha Nòrd “demòre diluida” dins una macroregion occitana.
“Sèm d’acòrdi amb lo govèrn francés que cal reduire lo nombre d’administracions. Volèm per aquò una region pròpria qu’entraïnariá la desaparicion de l’actual departament dels Pirenèus Orientals”, çò justifiquèt Lafontaine. Segon el, la nòva collectivitat territoriala seriá mai granda que, per exemple, la region de Corsega, que li an reconeguda “sa particularitat, çò que Catalonha Nòrd deuriá poder aver”.
La proposicion de Lafontaine parla pas brica de Fenolhedés, lo parçan de lenga occitana restacat als Pirenèus Orientals.
“Sèm fòrça los que pensam que nos cal una collectivitat territoriala pròpria per aver una bona gestion economica e una reconeissença mai clara de la nòstra identitat”, çò diguèt Lafontaine, qu’a ja lo sosten de personalitats del mond politic e de la societat civila.
La reforma territoriala impulsada per François Hollande, que prevei de reduire lo nombre de regions amb l’objectiu de simplificar l’administracion e de demenir de despensas de l’estat francés, prevei que lo departament dels Pirenèus Orientals faga partida d’una macroregion qu’amassarà Miègjorn-Pirenèus e Lengadòc-Rosselhon e qu’auriá benlèu sa capitala a Tolosa. Al delà, la reforma prevei tanben que lo departament dels Pirenèus Orientals desaparesca en 2020. Aiçò implicariá, segon los impulsors de la plataforma ciutadana, que Catalonha Nòrd demorariá sens cap de representacion administrativa.
Es per tot aquò que Brice Lafontaine, conselhièr de la comuna de Perpinhan e president d’Unitat Catalana, a impulsat aquela plataforma ciutadana per amassar d’adesions amb l’objectiu de crear la region de Catalonha Nòrd. Sul sit Region.cat, totòm se pòt apondre a la demanda collectiva que, e mai s’a pas lo sosten de la classa politica nòrd-catalana, vòl créisser en obtenent d’adesions sufisentas per far pression sus “lo govèrn francés” e, ansin, evitar que Catalonha Nòrd “demòre diluida” dins una macroregion occitana.
“Sèm d’acòrdi amb lo govèrn francés que cal reduire lo nombre d’administracions. Volèm per aquò una region pròpria qu’entraïnariá la desaparicion de l’actual departament dels Pirenèus Orientals”, çò justifiquèt Lafontaine. Segon el, la nòva collectivitat territoriala seriá mai granda que, per exemple, la region de Corsega, que li an reconeguda “sa particularitat, çò que Catalonha Nòrd deuriá poder aver”.
La proposicion de Lafontaine parla pas brica de Fenolhedés, lo parçan de lenga occitana restacat als Pirenèus Orientals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Catalans, també confio amb les Occitans, però molt bé endavant.
Fenolhedés independant, perdiu !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari