Actualitats
Un eurodeputat comença son intervencion en catalan e demanda d’o poder far amb normalitat
L’elegit valencian critiquèt la destruccion de pròvas per la Gàrdia Civila dins un jutjament contra una organizacion neonazi
L’eurodeputat valencian Jordi Sebastià, del partit d’esquèrra Compromís (Engatjament), comencèt ièr son intervencion dins lo Parlament Europèu en catalan. “M’agradariá de far mon intervencion dins la lenga de mon pòble, lo valencian, lo catalan, mas pòdi pas perque es pas oficiala dins aquesta cambra, espèri qu’aquesta situacion injusta càmbie dins aquesta legislatura”, çò diguèt.
Contunhèt l’intervencion, doncas, en espanhòl, en tot criticar un fach grèu: la Gàrdia Civila espanhòla a destruch d’armas e d’autras pròvas dins lo jutjament que se debana al País Valencian contra la principala organizacion neonazi. Sebastià remembrèt tanben Guillem Agulló, un jove independentista valencian que moriguèt assassinat per de nazis d’aquela organizacion en 1993.
Contunhèt l’intervencion, doncas, en espanhòl, en tot criticar un fach grèu: la Gàrdia Civila espanhòla a destruch d’armas e d’autras pròvas dins lo jutjament que se debana al País Valencian contra la principala organizacion neonazi. Sebastià remembrèt tanben Guillem Agulló, un jove independentista valencian que moriguèt assassinat per de nazis d’aquela organizacion en 1993.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari