Actualitats
Gaza a patit la jornada mai intensa de bombardaments
L’ÒNU avertís qu’es sens mejans per ajudar los mai de 50 000 palestinians qu’an cercat refugi
Gaza patiguèt ièr la jornada mai intensa de bombardaments de l’armada israeliana dempuèi lo començament d’aquesta darrièra ofensiva. Solament ièr dimenge, i aguèt mai de 90 palestinians mòrts e 13 soldats israelians, segon çò que rapòrtan qualques mèdias coma la BBC. Ja son mai de 400 los mòrts dins la Lista de Gaza, e los ferits son de milièrs. Segon l’ÒNU, la majoritat d’aqueles mòrts son de civils.
Ièr i aviá una autra “trèva umanitària” de conveguda, que durèt mens d’una ora perque l’armada d’Israèl e l’Hamas s’acusan mutualament de l’aver pas observada.
Mentretant, l’ÒNU a avertit qu’es sens mejans per ajudar los mai de 50 000 palestinians qu’an cercat refugi dins sas escòlas en Gaza. Un foncionari de l’ÒNU diguèt ièr que lo nombre de personas que fugissián èra mai grand que çò qu’esperavan. Al delà, la frontièra entre la Lista de Gaza e Egipte es barrada tocant los abitants de Gaza.
De milièrs de palestinians an quitat lor ostal en tot fugir cap a d’autras vilas mens punidas pels bombardaments. Lo cap de la Liga Aràbia, Nabil Al Arabi, a qualificat l’accion d’Israèl coma un “crime de guèrra” e a demandat a l’estat ebrieu “l’arrèst immediat dels atacs”.
Ièr i aviá una autra “trèva umanitària” de conveguda, que durèt mens d’una ora perque l’armada d’Israèl e l’Hamas s’acusan mutualament de l’aver pas observada.
Mentretant, l’ÒNU a avertit qu’es sens mejans per ajudar los mai de 50 000 palestinians qu’an cercat refugi dins sas escòlas en Gaza. Un foncionari de l’ÒNU diguèt ièr que lo nombre de personas que fugissián èra mai grand que çò qu’esperavan. Al delà, la frontièra entre la Lista de Gaza e Egipte es barrada tocant los abitants de Gaza.
De milièrs de palestinians an quitat lor ostal en tot fugir cap a d’autras vilas mens punidas pels bombardaments. Lo cap de la Liga Aràbia, Nabil Al Arabi, a qualificat l’accion d’Israèl coma un “crime de guèrra” e a demandat a l’estat ebrieu “l’arrèst immediat dels atacs”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La tèrra dita santa me sembla cap e tot maldita. Sa salvacion, sa benediccion, li vendrián d'un poder laïc establit pel pòble,, que tracatriá los atèus, los musulmans, los crestians e lo josièus coma de ciutadans egals e dreit e en devers, ni mai, ni mens.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari