Actualitats
ÈTA a anonciat lo desmantelament de son estructura destinada a la lucha armada
Dins un comunicat, a dich que vòl propiciar de convèrsas per avançar dins lo procès de patz
ÈTA a anonciat lo desmantelament de sos mejans destinats a la lucha armada, que comprenon “las estructuras logisticas e operativas derivadas de la practica de la lucha armada”. O diguèt dins un comunicat, amb data del 15 de julhet, que dissabte lo publiquèt lo jornal basco Gara. ÈTA vòl redreiçar la direccion e afirma que refortirà “l’estructura” per “propiciar de convèrsas entre las diferentas partidas [e] per avançar dins lo procès de patz”. La “primièra basa” d’aquela nòva direccion, e mai, passa pel “sagelat verificat dels depauses d’armas”, anonciat en març passat.
Dins lo comunicat, revendica lo “prigond procès de transformacion” que se mena a tèrme amb l’objectiu de far lo pas de la “confrontacion armada” a la “confrontacion democratica”.
Aquel comunicat ditz que lo desmantelament de las estructuras logisticas e operativas derivadas de la “lucha armada” es ja complit e qu’ara se trabalha sus lo sagelat dels depauses d’armas.
ÈTA daissa tanben en mans dels “agents politics e socials” la “resolucion del conflicte politic”, perque compren qu’es la tòca de l’esquèrra nacionalista basca e de sa militància d’arribar a la preeminéncia e a la responsabilitat de dirigir lo procès de liberacion dins aquesta fasa”.
Dins lo comunicat, revendica lo “prigond procès de transformacion” que se mena a tèrme amb l’objectiu de far lo pas de la “confrontacion armada” a la “confrontacion democratica”.
Aquel comunicat ditz que lo desmantelament de las estructuras logisticas e operativas derivadas de la “lucha armada” es ja complit e qu’ara se trabalha sus lo sagelat dels depauses d’armas.
ÈTA daissa tanben en mans dels “agents politics e socials” la “resolucion del conflicte politic”, perque compren qu’es la tòca de l’esquèrra nacionalista basca e de sa militància d’arribar a la preeminéncia e a la responsabilitat de dirigir lo procès de liberacion dins aquesta fasa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tre que los Basques botavan fuòc a la paissièra per estorbir d'aicí d'ailà un representant oficial de las fòrças d'ocupacion espanhòla o francesa en Euskadi, los medias oficials ne nos fotián lo cap coma un ola ! Ara que los contestataris basques a l'ocupacion coloniala d'Euskadi pausan las armas per s'acaminar cap a un porcessus similar al camin qu'an pres los Catalans e los Escosseses, sonque lo Jornalet nos ten al fial de çò fan. Donc, politicament, dins l'acutalitat oficiala francesa, un basc contestatari existís sonque las mans banhadas de sang. Aquò s'apèla la manipulacion de l'informacion… en païses liures, plan segur !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari