Actualitats
Finalament es BBVA qu’a aquerit Catalunya Banc
Société Générale, al darrièr moment, participèt pas a l’enquant
Se presenta un panorama novèl dins la banca de Catalonha. BBVA e Catalunya Banc addicionan 1471 agéncias, solament 62 agéncias de mens que CaixaBank, un dels gigants de la banca europèa e fins a ièr lo sol gigant bancari egemonic de Catalonha.
Lo grop presidit per Francisco González ofriguèt 1,187 miliard d’èuros. Aquela chifra, encara que discreta, èra sensiblament melhora que las presentadas per Banco Santander e CaixaBank
Catalunya Banc èra una entitat nacionalizada pel govèrn espanhòl. Acomola 13,6 miliards d’èuros en ajudas, dont 12,6 dirèctament de l’estat espanhòl. Las caissas de l’estat auràn perdut mai de 11,4 miliards d’èuros amb l’assaniment e la venda de Catalunya Banc.
Per de qué a renonciat Société Générale?
Vertat que, a l’ora d’ara, la marca Catalunya Caixa es pas sinonim de qualitat, mas l’estat espanhòl ofrissiá tanben de cobrir una part del còst de las demandas d’indemnitat pel cas de las accions privilegiadas, e lo del cas de las clausulas de taus d’interès revisable assegurat, e lo dels swaps de taus d’interès a tèrme... E quitament cobrissiá una part del còst de la probabla indemnitat a Mapfre se Catalunya Banc violèsse l’acordi de bancassegurança amb l’entrepresa lidèr de las asseguranças en Espanha. E encara, la setmana passada, l’estat espanhòl portèt 572 milions d’èuros per que Catalunya Banc se desbarrassèsse de 6,4 miliards d’èuros en ipotècas toxicas. E amb aquò la premsa economica jutjava a l’unanimitat que l’ofèrta per Catalunya Banc èra vertadièrament interessanta.
Amb aquò, per de qué auriá renonciat Société Générale?
Pareis que Société Générale a pas renonciat. Per renonciar, abans se cal interessar. Société Générale auriá mostrat qu’una simpla curiositat per Catalunya Banc, qu’aquò vòl pas dire interès. Es vertat, Société Générale aviá agachat la documentacion elaborada per l’estat espanhòl per las entitats interessadas en l’enquant de Catalunya Banc, coma d’autras entitats. Semblariá que lo FROB (Fons de Restructuracion Ordenada Bancària) n’auriá profechat per difusar e magnificar aquela informacion e per far montar las chifras de las ofèrtas de las bancas espanhòlas: Banco Santader, BBVA e CaixaBank. Una estrategia de desinformacion que foncionèt pas gaire.
Las parts del mercat
La part de mercat de Catalunya Banc es de l’11% dels depauses; a una basa de 3 600 000 clients —la màger part en Catalonha—, gerís lo 25% dels comèrcis (aquò vòl pas dire en exclusivitat) e un 21% de las entrepresas.
Per çò d’Espanha, uèi BBVA es la segonda entitat financièra per nombre de sucursalas, despassant Banco Santander, solament despassat per CaixaBank. Lo taus de sucursalas de BBVA en Espanha es del 12,6% (abans ièr, 9,6%). Despassa Banco Santander, amb un 12,1%, mas es luènh de CaixaBank, amb un 17,1%.
BBVA e Catalonha.
En març de 2012, a l’imprevista de la premsa economica, BBVA aviá aquerit Unnim, una banca efemèra nascuda de la fuson de Caixa Terrassa, Caixa Sabadell e Caixa Manlleu.
En 1988, Banco de Bibao Vizcaya (en 2000 se diriá BBVA, acronim de Banco Bilbao Vizcaya Argentaria) aviá absorbit Banca Catalana. Començava l’expansion en Catalonha.
Lo president de la Generalitat de Catalonha, Artur Mas, declarèt ièr que dempuèi lo ponch de vista dels clients, lo fach que lo negòci bancari catalan siá concentrat en tantas paucas mans deven un “possible andicap”. A declarat tanben que l’assaniment bancari espanhòl se deviá far e s’es fach en seguissent una dralha “rasonablament corrècta”.
Manèl Zabala
Lo grop presidit per Francisco González ofriguèt 1,187 miliard d’èuros. Aquela chifra, encara que discreta, èra sensiblament melhora que las presentadas per Banco Santander e CaixaBank
Catalunya Banc èra una entitat nacionalizada pel govèrn espanhòl. Acomola 13,6 miliards d’èuros en ajudas, dont 12,6 dirèctament de l’estat espanhòl. Las caissas de l’estat auràn perdut mai de 11,4 miliards d’èuros amb l’assaniment e la venda de Catalunya Banc.
Per de qué a renonciat Société Générale?
Vertat que, a l’ora d’ara, la marca Catalunya Caixa es pas sinonim de qualitat, mas l’estat espanhòl ofrissiá tanben de cobrir una part del còst de las demandas d’indemnitat pel cas de las accions privilegiadas, e lo del cas de las clausulas de taus d’interès revisable assegurat, e lo dels swaps de taus d’interès a tèrme... E quitament cobrissiá una part del còst de la probabla indemnitat a Mapfre se Catalunya Banc violèsse l’acordi de bancassegurança amb l’entrepresa lidèr de las asseguranças en Espanha. E encara, la setmana passada, l’estat espanhòl portèt 572 milions d’èuros per que Catalunya Banc se desbarrassèsse de 6,4 miliards d’èuros en ipotècas toxicas. E amb aquò la premsa economica jutjava a l’unanimitat que l’ofèrta per Catalunya Banc èra vertadièrament interessanta.
Amb aquò, per de qué auriá renonciat Société Générale?
Pareis que Société Générale a pas renonciat. Per renonciar, abans se cal interessar. Société Générale auriá mostrat qu’una simpla curiositat per Catalunya Banc, qu’aquò vòl pas dire interès. Es vertat, Société Générale aviá agachat la documentacion elaborada per l’estat espanhòl per las entitats interessadas en l’enquant de Catalunya Banc, coma d’autras entitats. Semblariá que lo FROB (Fons de Restructuracion Ordenada Bancària) n’auriá profechat per difusar e magnificar aquela informacion e per far montar las chifras de las ofèrtas de las bancas espanhòlas: Banco Santader, BBVA e CaixaBank. Una estrategia de desinformacion que foncionèt pas gaire.
Las parts del mercat
La part de mercat de Catalunya Banc es de l’11% dels depauses; a una basa de 3 600 000 clients —la màger part en Catalonha—, gerís lo 25% dels comèrcis (aquò vòl pas dire en exclusivitat) e un 21% de las entrepresas.
Per çò d’Espanha, uèi BBVA es la segonda entitat financièra per nombre de sucursalas, despassant Banco Santander, solament despassat per CaixaBank. Lo taus de sucursalas de BBVA en Espanha es del 12,6% (abans ièr, 9,6%). Despassa Banco Santander, amb un 12,1%, mas es luènh de CaixaBank, amb un 17,1%.
BBVA e Catalonha.
En març de 2012, a l’imprevista de la premsa economica, BBVA aviá aquerit Unnim, una banca efemèra nascuda de la fuson de Caixa Terrassa, Caixa Sabadell e Caixa Manlleu.
En 1988, Banco de Bibao Vizcaya (en 2000 se diriá BBVA, acronim de Banco Bilbao Vizcaya Argentaria) aviá absorbit Banca Catalana. Començava l’expansion en Catalonha.
Lo president de la Generalitat de Catalonha, Artur Mas, declarèt ièr que dempuèi lo ponch de vista dels clients, lo fach que lo negòci bancari catalan siá concentrat en tantas paucas mans deven un “possible andicap”. A declarat tanben que l’assaniment bancari espanhòl se deviá far e s’es fach en seguissent una dralha “rasonablament corrècta”.
Manèl Zabala
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E quin es la posicion oficiala de BBVA de cap a las culturas basca e catalana, de cap a l'indepedéncia d'Euskadi e de Catalonha ? Los abertzales de Vizcaya, ne coneissèm las idèas claras, mas m'estonariá fòrça que los directors de bancassas capitalistas aital compartiguèssen las vistas d'aqueles ciutadans engtjats…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari