Actualitats
John Kerry e Ban Gimun son en Egipte per impulsar una alta al fuòc en Gaza
Lo secretari d’estat dels Estats Units, John Kerry, arribèt diluns de ser al Caire per impulsar una alta al fuòc dins la Lista de Gaza, ont l’ofensiva militara d’Israèl a ja tuat mièg milièr de palestinians, en essent la majoritat de civils. Es tanben anat en Egipte lo secretari general de l’ÒNU, Ban Gimun (Ban Ki-moon), que vòl parlar amb las autoritats del país sus la crisi de Gaza.
Lo secretari d’estat estatsunidenc a previst tanben de parlar amb l’emirat de Qatar, qu’a de ligams estreches amb l’Hamas.
Segon de fonts oficialas egipcianas citadas per Reuters, Egipte poiriá modificar la proposicion de trèva per far possible que l’Hamas l’aprovèsse e per que se poguèsse metre fin a la violéncia.
47 milions de dolars per ajudar Gaza
Dins una compareissença amb Ban Gimun, Kerry anoncièt una ajuda umanitària de 47 milions de dolars que los Estats Units autrejarián per ajudar los civils de Gaza. Aquel argent seriá destinat sustot a d’aliments e de medicaments. Lo cap de la diplomacia estatsundenca sostenguèt lo drech d’Israèl de se defendre mas faguèt una crida a evitar la mòrt de civils.
Kerry foguèt ja susprés diluns passat a considerar l’operacion israeliana coma una “operacion infernala”. Kerry cresiá qu’èra pas en dirècte e parlèt per telefòn, relaxadament, sul conflicte qu’es a se debanar en la Lista de Gaza: “Que diable d’operacion millimetrica… aquò es un baujum. Es una foliá de demorar aicí. I caldriá anar quitament anuèch”, çò disiá a son interlocutor.
Indignacion per la fòto d’un soldat israelian sus Instagram
Lo soldat israelian Mor Ostrovski, de vint ans, publiquèt sul sieu compte d’Instagram una fòto ont se vesiá coma visava un enfant palestinian amb lo ponch de mira d’un rifle. Pus tard, Ostrovski barrèt lo compte e diguèt que la fotografia l’aviá pas facha el mas que l’aviá trobada sus Internet. L’armada israeliana reagiguèt en allegant qu’aquela accion concordava pas amb sas valors.
Suls rets socialas i aguèt una avalanca de criticas, dont la del grop de soldats veterans israelians, que condemnèt la fòto e escriguèt sus Facebook: “L’ocupacion es aquò. Aquò es lo resultat del contraròtle militar sus la populacion civila”.
Lo secretari d’estat estatsunidenc a previst tanben de parlar amb l’emirat de Qatar, qu’a de ligams estreches amb l’Hamas.
Segon de fonts oficialas egipcianas citadas per Reuters, Egipte poiriá modificar la proposicion de trèva per far possible que l’Hamas l’aprovèsse e per que se poguèsse metre fin a la violéncia.
47 milions de dolars per ajudar Gaza
Dins una compareissença amb Ban Gimun, Kerry anoncièt una ajuda umanitària de 47 milions de dolars que los Estats Units autrejarián per ajudar los civils de Gaza. Aquel argent seriá destinat sustot a d’aliments e de medicaments. Lo cap de la diplomacia estatsundenca sostenguèt lo drech d’Israèl de se defendre mas faguèt una crida a evitar la mòrt de civils.
Kerry foguèt ja susprés diluns passat a considerar l’operacion israeliana coma una “operacion infernala”. Kerry cresiá qu’èra pas en dirècte e parlèt per telefòn, relaxadament, sul conflicte qu’es a se debanar en la Lista de Gaza: “Que diable d’operacion millimetrica… aquò es un baujum. Es una foliá de demorar aicí. I caldriá anar quitament anuèch”, çò disiá a son interlocutor.
Indignacion per la fòto d’un soldat israelian sus Instagram
Lo soldat israelian Mor Ostrovski, de vint ans, publiquèt sul sieu compte d’Instagram una fòto ont se vesiá coma visava un enfant palestinian amb lo ponch de mira d’un rifle. Pus tard, Ostrovski barrèt lo compte e diguèt que la fotografia l’aviá pas facha el mas que l’aviá trobada sus Internet. L’armada israeliana reagiguèt en allegant qu’aquela accion concordava pas amb sas valors.
Suls rets socialas i aguèt una avalanca de criticas, dont la del grop de soldats veterans israelians, que condemnèt la fòto e escriguèt sus Facebook: “L’ocupacion es aquò. Aquò es lo resultat del contraròtle militar sus la populacion civila”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perqué non pas dire dirèctalent que l'objectiu del gobernament actual d'Israèl es de fotre defòra totes los Palestinians per gaudir d'esperleles sonque de la tèrra que lo Dieu auriá siá disent promesa a Moishé ? E qué i pòt far lo John Kerry, se que non copar tot aprovesiment financièr, militar e logistic a l'estat d'Israèl ? (Un pauc coma o fa sens rason valabla contra Cuba, per exemple) E qu'i pòt far tot representant american tant que la finança internacionala decidís en plaça dels poders elegits de las pseudo-democracias occidentalas ? Tre que fasèm quicòm contra l'estat d'Israèl, per exemple èsser pas d'acòrdi amb sa politica, automaticament, sèm classats coma racistas e antisemitas, tant e mai que i a pas pus de deliberacion, de discutida e d'argumentacion possibla… Pòdon far tot çò que vòlon, sempre auràn rason ; e en mai d'aquò, Dieu o vòl !!! L'estat d'Israèl fonciona en Palestina coma la gleisa de Roma foncionava en Occitania a partir del sègle XIII !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari