Actualitats
Lo Torn de França es passat per la Val d’Aran
Intrèt en Occitània lo 19 de julhet per Ambrunés e quitarà lo país lo 26 de julhet en Peiregòrd
La Val d’Aran visquèt ièr un nòu pas del Torn de França. Dins sa 17a estapa, entre Sant Gaudenç e lo Plan d’Adet (Comenge), la corsa ciclista francesa traversèt lo Bas Aran.
Per aculhir l’espròva esportiva, lo Conselh General d’Aran placèt divèrses ponches de remassatge d’escobilhas sus l’estrada del Portilhon, lo pòrt que jonh Bossòst e Luishon. Lo govèrn aranés organizèt tanben un dispositiu d’emergéncias sanitàrias en tot collaborar amb las autoritats dels dos costats de la frontièra politica.
La Val d’Aran a aculhit aperaquí 1000 personas dins las ostalariás del país, en tot recebre 20 de las 23 esquipas participantas del Torn de França.
“Damb aquest tipe d’eveniments demostram qu’era Val d’Aran pòt acuélher espròves esportiues de naut nivèu internacionau”, çò declarèt Eduardo Valdecantos, conselhièr del territòri del Govèrn d’Aran, qu’apondèt qu’“era Val d’Aran ei un país que cada viatge artenh més preséncia internacionau non sonque a nivèu toristic senon esportiu”.
Lo Torn de França comencèt ongan en Anglatèrra. Intrèt en Occitània lo 19 de julhet passat dins sa 14a estapa, entre Grenòble (Arpitània) e Risós (Ambrunés) e demorarà al país fins a sa 20a estapa, lo 26 de julhet, entre Brageirac e Peireguers (Peiregòrd Central).
Per aculhir l’espròva esportiva, lo Conselh General d’Aran placèt divèrses ponches de remassatge d’escobilhas sus l’estrada del Portilhon, lo pòrt que jonh Bossòst e Luishon. Lo govèrn aranés organizèt tanben un dispositiu d’emergéncias sanitàrias en tot collaborar amb las autoritats dels dos costats de la frontièra politica.
La Val d’Aran a aculhit aperaquí 1000 personas dins las ostalariás del país, en tot recebre 20 de las 23 esquipas participantas del Torn de França.
“Damb aquest tipe d’eveniments demostram qu’era Val d’Aran pòt acuélher espròves esportiues de naut nivèu internacionau”, çò declarèt Eduardo Valdecantos, conselhièr del territòri del Govèrn d’Aran, qu’apondèt qu’“era Val d’Aran ei un país que cada viatge artenh més preséncia internacionau non sonque a nivèu toristic senon esportiu”.
Lo Torn de França comencèt ongan en Anglatèrra. Intrèt en Occitània lo 19 de julhet passat dins sa 14a estapa, entre Grenòble (Arpitània) e Risós (Ambrunés) e demorarà al país fins a sa 20a estapa, lo 26 de julhet, entre Brageirac e Peireguers (Peiregòrd Central).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo torn de França es un messorga ideologica coloniala. Foguèsse lo torn de la França vertadièra, la de sa lenga, aquel torn semblariá un torn de pista de velodròmi, ni ren mai. Las Vosges son Alsaciana, lo Jràs e lo nòrd dels Alps arpitan, lo Massís Armorican es breton, Las Alps del Sud, lo Massís Central e los Pirenèus Central son occitans, los Pirenèus Orientals son catalans ee los Pirenèus Occidentals son basques ! On es França, tre qu'aquò puja ? Lo torn de França en Val d'Aran : me fasèz plan rire…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari