Actualitats
La mapa geologica mai detalhada de Mart
L’an publicada de scientifics de l’US Geological Survey (Expertitge Geologic Estatsunidenc) amb de donadas topograficas, de composicion geologica, d’activitat termala...
De Mart, ne sabèm de mai en mai de causas mercé a las quatre naus que i orbitan dempuèi los ans 1990 e al robòt explorador de la NASA que i aterrèt fa dos ans. Un exemple d’aquela granda coneissença es aquesta mapa geologica detalhadissima que ven de publicar un grop de scientifics de l’US Geological Survey (Expertitge Geologic Estatsunidenc). La mapa mai aprigondida de la Planeta Roja detalha de donadas utilas pels scientifics coma la topografia, la composicion geologica, l’informacion termala…
La nòva mapa, que se pòt descargar en nauta resolucion, es un grand melhorament a respècte de las mapas dels ans 1970 e 1980.
Aquelas donadas faràn possible que los cercaires valorizen d’endreches potencialament adaptats per far d’aterratges de missions marcianas dins l’avenir, segon çò que dison los autors de la carta.
La nòva mapa, que se pòt descargar en nauta resolucion, es un grand melhorament a respècte de las mapas dels ans 1970 e 1980.
Aquelas donadas faràn possible que los cercaires valorizen d’endreches potencialament adaptats per far d’aterratges de missions marcianas dins l’avenir, segon çò que dison los autors de la carta.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari