Actualitats
La justícia francesa reclama los vidèos que Mohamed Merah auriá enregistrat lo jorn de la siá mòrt
Lo ministèri public de París demandèt dimars 12 de junh la comunicacion dels enregistraments vidèo citats dins la denóncia per omicidi contra la polícia francesa, facha pel paire de Mohamed Merah.
L’endeman de la denóncia per “omicidi amb circonstàncias agravantas”, depausada l’11 de junh pel paire de Mohamed Merah, lo ministèri public de París a demandat los vidèos que Merah auriá enregistrat lo jorn de la siá mòrt. S’agís de dos enregistraments qu’aurián las avocatas e que lo jornal argerian Ash Shuruq (Echorouk) ne publiquèt la transcripcion.
Las avocatas, Zahia Mokhtari e Isabelle Coutant-Peyre, avián ja dich als mèdias qu’avián d’elements que provavan “l’execucion” de Merah. S’agissiá, segon Coutant-Peyre, d’imatges enregistrats amb un telefòn mobil pel quite Mohamed Merah.
Mokhtari s’es declarada prèsta per fornir aqueles filmets a la justícia francesa quand ne recebrà la demanda. “Ai pas recebut cap de correspondéncia oficiala me demandant de fornir los vidèos. Soi arribada ièr [dimars] a Argièr e ai représ uèi de matin [dimècres] las miás activitats”, çò declarèt Mokhtari a l’Agéncia France Presse (AFP) abans d’apondre: “Mas me soi desplaçada per fornir una còpia d’aqueles vidèos a la justícia francesa.”
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La classa politica e la premsa imperialista franchimanda van de cotria dins aqueste afar.
Es una vertadièra "affaire d'état"!
E dire qu'aquò es l'aportacion màger de fRança a la civilizacion universala: "la raison d'état"! O en autras paraulas cossí justicar çò injustificable, sustot las piègers salopariás.
fRance = Franchimandistan = Franchimerdistan.
PS: curisoment los problèmas de twitter de dòna Daquòs-Rottweiler tindan de pertot l'espandi mediatico-politic
Er ahar Merah que's va devirar interessanda... tostemps en eth silenci eishordant dera premsa francesa. B'ei totun eth Ministèri public qui demanda eras vidèos ! Qu'auram lhèu suspresas d'ací pòc de temps...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari