Segon un comunicat deu Comitat Radicalament Anticorrida d’Euròpa (CRAC), aqueste dissabte 19 de julhet a 5 òras deu ser, tres de las soas militantas qui distribuivan tractes contra la corrida qu’estón agressadas per òmis mei nombrós e organizats a Mejanas (Camarga).
Que’s trobavan a quauques quilomètres deu Domeni Pau Ricard, un parc naturau regionau qui prepausa mantas activitats en ligason dab las particularitats naturalas e culturalas de Camarga (activitats a l’entorn deus chivaus, passejadas en bicicleta e en trin pichon, etc.) e tanben corridas.
Pendent ua orada, au ras d’un giratòri, que balhèn tractes aus passants a pè e en auto e que charrèn dab eths. Puish qu’arribè un grop d’òmis en autos e escotèrs qui las agressèn a dus per militanta: que’us prenón los tractes de fòrça, que’n gitèn ua per tèrra, que’n prenón ua auta per la garganta e que l’ablaquèn contra la soa auto, tot aquò en disent “hè’t enlà conassa” (qu’ac digón en francés: “dégage connasse”). Aquesta qu’avó las lunetas copadas.
Ua patrolha de gendarmas qu’intervienó entà que s’arrestèsse l’agression. Las tres militantas que hasón la lor denóncia.
Segon lo comunicat deu CRAC, los agressors qu’èran “manifestament emplegats deu Domeni Pau Ricard”.
Pascau Sebat
Que’s trobavan a quauques quilomètres deu Domeni Pau Ricard, un parc naturau regionau qui prepausa mantas activitats en ligason dab las particularitats naturalas e culturalas de Camarga (activitats a l’entorn deus chivaus, passejadas en bicicleta e en trin pichon, etc.) e tanben corridas.
Pendent ua orada, au ras d’un giratòri, que balhèn tractes aus passants a pè e en auto e que charrèn dab eths. Puish qu’arribè un grop d’òmis en autos e escotèrs qui las agressèn a dus per militanta: que’us prenón los tractes de fòrça, que’n gitèn ua per tèrra, que’n prenón ua auta per la garganta e que l’ablaquèn contra la soa auto, tot aquò en disent “hè’t enlà conassa” (qu’ac digón en francés: “dégage connasse”). Aquesta qu’avó las lunetas copadas.
Ua patrolha de gendarmas qu’intervienó entà que s’arrestèsse l’agression. Las tres militantas que hasón la lor denóncia.
Segon lo comunicat deu CRAC, los agressors qu’èran “manifestament emplegats deu Domeni Pau Ricard”.
Pascau Sebat
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Veiquí la violéncia daus aficionados, que a pas ren de comun emb lo biais de militar daus anti-corridas, e machistas en mai.
Aboliram la corrida, qu'es mas afar de temps aura. Coratge ! Sosten a quelas militantas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari