Actualitats
Mali e sièis grops d’Azawad an signat una alta al fuòc
Las organizacions de majoritat toarèga e aràbia demandan una autonomia larga
Lo govèrn malian e sièis grops armats d’Azawad signèron dijòus passat un acòrdi per l’alta al fuòc, segon çò que rapòrta Nationalia. Es lo primièr resultat de las convèrsas que comencèron en Argièr la setmana passada. Participan a aquela negociacion lo govèrn malian, tres grops de majoritat toarèga (MNLA, HCUA e CPA), dos grops de majoritat aràbia (MAA e MAA dissident) e una coalicion de majoritat songai e pul (CMFPR).
An convengut d’aplicar “un encastre per las negociacions de patz” que menen a “una solucion globala e negociada”.
L’MNLA, l’HCUA e l’MAA, que se presentan d’un biais coordenat, reclaman un autogovèrn vast per Azawad, e mai se lo govèrn malian a repetit pendent los darrièrs meses que donarà pas ni l’independéncia ni cap d’autonomia a Azawad. Ça que la, Reuters raportava que lo govèrn de Bamako acceptariá de transferir qualques poders en matèria d’afars locals.
An convengut d’aplicar “un encastre per las negociacions de patz” que menen a “una solucion globala e negociada”.
L’MNLA, l’HCUA e l’MAA, que se presentan d’un biais coordenat, reclaman un autogovèrn vast per Azawad, e mai se lo govèrn malian a repetit pendent los darrièrs meses que donarà pas ni l’independéncia ni cap d’autonomia a Azawad. Ça que la, Reuters raportava que lo govèrn de Bamako acceptariá de transferir qualques poders en matèria d’afars locals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari