Lo Conselh Superior de l’Audiovisual es l’organisme de contraròtle de la TV e ràdio de l’estat francés. Ven de presentar son rapòrt annual per l’annada 2013.
La preséncia de las lengas non-oficialas de l’estat francés i es estudiada. Per l’occitan, sens suspresa, las chifras presentadas son a la nautor del mesprètz que la television estatala publica francesa sap mostrar cap a la lenga nòstra.
Ja se pòt remarcar que lo rapòrt fa la diferéncia entre occitan (cadenas France 3 Aquitània / France 3 Miègjorn-Pirenèus / France 3 Lengadòc-Rosselhon) e provençal (cadenas France 3 Provença-Alps / France 3 Còsta d’Azur). Per l’occitan provençal son 58 h 45 mn de difusion annuala e per l’occitan non-provençal son 48 h 13 mn.
Aquestas doas chifras non se pòdon pas ajustar una a l’autra ja que las zònas de difusion son diferentas. Se prenèm las chifras e que las raportam a una mejana jornadièra, obtenèm una preséncia quotidiana de l’occitan de 7 mn 55 s pel lengadocian e gascon e de 9 mn 39 s pel provençal.
L’ofèrta totala televisuala de France Télévision (5 canals TV que difusan 24h/24h) es de 43 800 oras de temps de difusion cada annada. L’occitan, amb un total 106 oras e 58 minutas, ne representa lo 0,24 %.
Fa mestièr de rampelar que los occitans de l’estat francés pagan lo 100 % de la redevença audiovisuala, siá 133 èuros. Se la redevença èra proporcionala a la preséncia de la lenga nòstra, l’impòst TV non deuriá pas costar que 0,31 èuro per an a cada ostal occitan. La diferéncia entre la moneda demandada als ciutadans occitans e la preséncia magrassa de l’occitan se pòt considerar coma una vertadièra discriminacion fiscala e lingüistica.
TL
La preséncia de las lengas non-oficialas de l’estat francés i es estudiada. Per l’occitan, sens suspresa, las chifras presentadas son a la nautor del mesprètz que la television estatala publica francesa sap mostrar cap a la lenga nòstra.
Ja se pòt remarcar que lo rapòrt fa la diferéncia entre occitan (cadenas France 3 Aquitània / France 3 Miègjorn-Pirenèus / France 3 Lengadòc-Rosselhon) e provençal (cadenas France 3 Provença-Alps / France 3 Còsta d’Azur). Per l’occitan provençal son 58 h 45 mn de difusion annuala e per l’occitan non-provençal son 48 h 13 mn.
Aquestas doas chifras non se pòdon pas ajustar una a l’autra ja que las zònas de difusion son diferentas. Se prenèm las chifras e que las raportam a una mejana jornadièra, obtenèm una preséncia quotidiana de l’occitan de 7 mn 55 s pel lengadocian e gascon e de 9 mn 39 s pel provençal.
L’ofèrta totala televisuala de France Télévision (5 canals TV que difusan 24h/24h) es de 43 800 oras de temps de difusion cada annada. L’occitan, amb un total 106 oras e 58 minutas, ne representa lo 0,24 %.
Fa mestièr de rampelar que los occitans de l’estat francés pagan lo 100 % de la redevença audiovisuala, siá 133 èuros. Se la redevença èra proporcionala a la preséncia de la lenga nòstra, l’impòst TV non deuriá pas costar que 0,31 èuro per an a cada ostal occitan. La diferéncia entre la moneda demandada als ciutadans occitans e la preséncia magrassa de l’occitan se pòt considerar coma una vertadièra discriminacion fiscala e lingüistica.
TL
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas es PAS çò pus essencial (levat se volèm la mòrt de l'occitan ...). Desencusatz-me
Los occitans (o puslèu los occitanistas) se baton pas pus per aver mai d'occitan a la television o a la ràdio dins lo servici public. Son contents d'aver de ràdios associativas que fan de programas (tot còp de qualitat ça que la) en occitan mas que degun escota pas (o de ''television'' per internet). Cossí far venir mai de mond cap a l'occitan (s'es pas que per demorar entre nosautres fin finala ?). Cal conquistar la societat puslèu que de demorar dins de mèdias ''alternatius'' qu'interèssan pas 0,000023 % de las gents que demòran en Occitània. Es plan de se far plaser. Mas es çò pus essencial (levat se volèm la mòrt de l'occitan ...).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari