La societat ferroviària britanica Eurostar confirmèt ièr la mesa en plaça d’un anar-tornar entre Marselha e Londres a partir del 15 de mai de 2015, segon çò que rapòrta La Provence. “Sèm en mesura de confirmar aquela nòva sens poder dire pasmens, a l’ora d’ara, quin ne serà lo ritme exacte”, çò indiquèt al jornal provençal la societat britanica.
Lo viatge durarà 7 oras entre Marselha e Londres, e 6 oras en sens invèrs, e passarà per Avinhon. Se suprimís lo cambiament de gara a París, mas non pas l’arrèst per las formalitats administrativas abans de cambiar d’estat, qu’en sens nòrd serà a Lilla e en sens sud serà sus l’illa britanica.
Eurostar a decidit de metre en marcha aquel trajècte vèrs la Ciutat Focèa “perque es venguda fòrça atractiva, mai que mai gràcias a son títol de capitala europèa”.
Lo viatge durarà 7 oras entre Marselha e Londres, e 6 oras en sens invèrs, e passarà per Avinhon. Se suprimís lo cambiament de gara a París, mas non pas l’arrèst per las formalitats administrativas abans de cambiar d’estat, qu’en sens nòrd serà a Lilla e en sens sud serà sus l’illa britanica.
Eurostar a decidit de metre en marcha aquel trajècte vèrs la Ciutat Focèa “perque es venguda fòrça atractiva, mai que mai gràcias a son títol de capitala europèa”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò es plan qu'una ciutat occitana foguèsse atractiva pels angleses mai seria plan se se parlava lo provençal dins aquela ciutat europenca e se la municipalitat avia pas la vergonha de las siás rasigas occitanas ... Cossí far per far comprene a l'euròpa que sèm occitans e pas francés ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari