Actualitats
L’Alguer (Sardenha): un sondatge per reviscolar lo catalan
Lo nòu cònsol de la vila catalanofòna de Sardenha vòl aver de donadas per dessenhar un plan de recuperacion de la lenga
“Es un acte d’amor per la nòstra lenga, un acte de justícia per que torne èsser una lenga viva”, çò diguèt lo nòu cònsol de L’Alguer (Sardenha), en tot presentar la consulta que se farà als ciutadans de la vila. Lo sondatge cèrca de saber los usatges lingüistics dins la vila e, en concret, l’estat del catalan. S’agís d’un projècte ja previst per l’administracion precedenta, mas que Bruno li a volgut donar una importància especiala. De fach, aviá ja anonciat que la lenga seriá un dels aisses principals del sieu mandat e prenguèt dirèctament en carga la politica lingüistica. Es de soslinhar que Bruno dobriguèt lo primièr plen del nòu conselh municipal en catalan.
Aquela consulta, qu’a lo sosten de la Generalitat de Catalonha e de las associacions catalanistas de L’Alguer, serà un sondatge exaustiu tocant 625 ciutadans alguereses. Es lo primièr grand pas dins lo prètzfach de recuperacion del catalan de L’Alguer. Deu servir, segon lo cònsol, “per dessenhar la realitat actuala e i poder intervenir d’un biais efectiu per revitalizar la lenga”.
“La nòstra lenga es una riquesa, nos distinguís e nos dòta d’una especificitat inegalabla, mas es sustot una valor qu’avèm lo dever de preservar e d’avalorar”, çò diguèt Bruno en la presentacion del sondatge, acompanhat del delegat de la Generalitat a L’Alguer, Joan Elies Adell. De son costat, Adell mercegèt lo cònsol per la determinacion del nòu conselh que vòl defendre e aparar lo catalan; e soslinhèt lo fach que s’emplega la lenga dins lo plen municipal.
Primièra amassada amb las associacions en vista de crear un organ consultatiu sus la lenga
D’un autre costat, Bruno a anonciat tanben que lo 6 d’agost que ven, se debanarà la primièra reünion amb las associacions de la vila que defendon la lenga. La tòca d’aquela seguida de reünions es de crear un organ independent e consultatiu qu’aurà la foncion d’analisar, aparar e promòure l’usatge de la lenga. Bruno, de mai, a assegurat que començarà a promòure activament e plan lèu l’usatge de la lenga de la part dels emplegats municipals en la relacion amb los ciutadans. “Sèm convencuts qu’o podèm far”, çò diguèt.
Aquela consulta, qu’a lo sosten de la Generalitat de Catalonha e de las associacions catalanistas de L’Alguer, serà un sondatge exaustiu tocant 625 ciutadans alguereses. Es lo primièr grand pas dins lo prètzfach de recuperacion del catalan de L’Alguer. Deu servir, segon lo cònsol, “per dessenhar la realitat actuala e i poder intervenir d’un biais efectiu per revitalizar la lenga”.
“La nòstra lenga es una riquesa, nos distinguís e nos dòta d’una especificitat inegalabla, mas es sustot una valor qu’avèm lo dever de preservar e d’avalorar”, çò diguèt Bruno en la presentacion del sondatge, acompanhat del delegat de la Generalitat a L’Alguer, Joan Elies Adell. De son costat, Adell mercegèt lo cònsol per la determinacion del nòu conselh que vòl defendre e aparar lo catalan; e soslinhèt lo fach que s’emplega la lenga dins lo plen municipal.
Primièra amassada amb las associacions en vista de crear un organ consultatiu sus la lenga
D’un autre costat, Bruno a anonciat tanben que lo 6 d’agost que ven, se debanarà la primièra reünion amb las associacions de la vila que defendon la lenga. La tòca d’aquela seguida de reünions es de crear un organ independent e consultatiu qu’aurà la foncion d’analisar, aparar e promòure l’usatge de la lenga. Bruno, de mai, a assegurat que començarà a promòure activament e plan lèu l’usatge de la lenga de la part dels emplegats municipals en la relacion amb los ciutadans. “Sèm convencuts qu’o podèm far”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben, en Lemosin, ne'n som a cent mila legas, inconcebable per nòstres elegits e te trobaràn totas las rasons per t'explicar que som dins 'na situacion qu'a ren a veire, que podem pas far parier. De segur, chas nos, an esperat que la linga siá quitament mòrta per èsser plan segur de l'enterrar e de pus la tornar auvir, de las vetz que...
Elegits occitans que'ns didètz que trabalhatz per la lenga: E avètz vist quin cau har?
Òsca per sénher Bruno, qu'a mostrat cossí se devon far las causas als elegits occitanistas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari