Los debats independentistas en Escòcia e Catalonha, amb los referendums d’independéncia pachat (en Escòcia) e controvertit (en Catalonha), previstes a la tardor, inspiran los còrses de Corsica Libera (“Corsega Liura”), la formacion independentista pròcha l’FLNC que representa aperaquí lo 10% dels vòtes.
Lo lidèr de Corsica Libera, Jean-Guy —en lenga còrsa Ghjuvanguidu— Talamoni, ven de declarar al quotidian regional Corse Matin que voliá per son país un procès non pas d’autonomia mas de devolucion, valent a dire de transferiment progressiu de las competéncias, amb la tòca d’una organizacion en Corsega d’un referendum d’independéncia.
La situacion evoluciona fòrça dins l’illa mediterranèa. Los nacionalistas, autonomistas o independentistas, puèjan dins l’electorat, lo cònsol nòu de la capitala economica de Corsega, Bastia, es autonomista, l’Assemblada de Corsega demanda a l’estat francés la cooficialitat de la lenga còrsa e l’instauracion d’un estatut de resident que pòsca protegir los abitants de l’especulacion immobilièra, malgrat l’oposicion actuala del govèrn de París. Mentretant, l’organizacion clandestina FLNC (Front de Liberacion Nacionala de Corsega), que tròba que sas idèas progrèssan dins la societat insulara, anoncièt lo 25 de junh qu’abandonèra la lucha armada.
L’economia es de costuma lo màger contrargument que los unionistas opausan als independentistas còrses. Las Jornadas Internacionalas (‘Ghjurnate Internaziunale’) son una dimenjada de debats entre independentistas de divèrsas nacions (los 2 e 3 d’agost i participan per exemple de catalans d’ÈRC, d’Estat Català e de Solidaritat) que los nacionalistas còrses organizan a Corti, anciana capitala de la Corsega independenta, despuèi mai de 30 ans: los independentistas de Corsega aprofecharàn aquesta escasença per començar de demostrar que l’independéncia es la sola via de desvolopament economic per lor illa.
GJB
Lo lidèr de Corsica Libera, Jean-Guy —en lenga còrsa Ghjuvanguidu— Talamoni, ven de declarar al quotidian regional Corse Matin que voliá per son país un procès non pas d’autonomia mas de devolucion, valent a dire de transferiment progressiu de las competéncias, amb la tòca d’una organizacion en Corsega d’un referendum d’independéncia.
La situacion evoluciona fòrça dins l’illa mediterranèa. Los nacionalistas, autonomistas o independentistas, puèjan dins l’electorat, lo cònsol nòu de la capitala economica de Corsega, Bastia, es autonomista, l’Assemblada de Corsega demanda a l’estat francés la cooficialitat de la lenga còrsa e l’instauracion d’un estatut de resident que pòsca protegir los abitants de l’especulacion immobilièra, malgrat l’oposicion actuala del govèrn de París. Mentretant, l’organizacion clandestina FLNC (Front de Liberacion Nacionala de Corsega), que tròba que sas idèas progrèssan dins la societat insulara, anoncièt lo 25 de junh qu’abandonèra la lucha armada.
L’economia es de costuma lo màger contrargument que los unionistas opausan als independentistas còrses. Las Jornadas Internacionalas (‘Ghjurnate Internaziunale’) son una dimenjada de debats entre independentistas de divèrsas nacions (los 2 e 3 d’agost i participan per exemple de catalans d’ÈRC, d’Estat Català e de Solidaritat) que los nacionalistas còrses organizan a Corti, anciana capitala de la Corsega independenta, despuèi mai de 30 ans: los independentistas de Corsega aprofecharàn aquesta escasença per començar de demostrar que l’independéncia es la sola via de desvolopament economic per lor illa.
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari