Actualitats
L’ÒNU dona 90 jorns a Espanha per esclarzir las desaparicions del franquisme
Sollicita lo govèrn espanhòl per que detalhe, tan lèu coma possible, quinas mesuras prendrà. Lo grop de trabalh sus las desaparicions forçadas a presentat un rapòrt amb de recomandacions
Lo grop de trabalh sus las desaparicions forçadas de l’ÒNU ven de presentar un rapòrt, en seguida de sa vesita dins l’estat espanhòl en setembre passat. Aquel rapòrt demanda al govèrn de Mariano Rajoy de presentar, abans nonanta jorns, “un cronograma en indicant quinas son las mesuras qu’aplicarà” per satisfar las demandas del grop e assistir las victimas del franquisme, segon d’informacions de El País.
Aquel rapòrt remembra qu’Espanha a l’obligacion internacionala d’assumir la responsabilitat de las desaparicions forçadas que i aguèt pendent lo franquisme, e deu aplicar “una politica d’estat comprensiva, coerenta e permanenta” per que los parents dels desapareguts pòscan saber que lor arribèt e per que ne recupèren las rèstas.
Al delà, recomanda al govèrn espanhòl de donar mai de sosten institucional e financièr als parents de las victimas e de crear una entitat que prenga en carga totas las questions restacadas. E tanben li demanda d’elaborar un plan de recèrca dels desapareguts tant lèu coma possible. En prenent en compte l’edat avançada dels testimònis e dels parents, la recèrca de la vertat e de l’endrech ont son los desapareguts deu èsser una “prioritat immediata”.
L’ÒNU atanben recomanda de metre en examen e de jutjar totas las desaparicions forçadas. Exigís per aquò que s’eliminen “totes los obstacles juridics intèrnes que pòscan empedir las recèrcas judiciàrias”. Demanda que la lei de memòria istorica aja pro de fonzes per que se pòsca aplicar e ditz al govèrn de velhar “sus la retirada dels escuts, insignas, placas e autres objèctes o mençons commemorativas d’exaltacion de la revòlta militara, de la guèrra e de la repression de la dictatura”.
Lo grop de trabalh demanda que se constituisca una banca estatala d’ADN amassant los escapolons genetics de totes los cases denonciats d’enfants raubats; prepausa de configurar una comission d’expèrts independents per determinar la violacion dels dreches umans pendent aquelas annadas; e demanda al govèrn espanhòl de collaborar mejançant los procèsses dobèrts, coma lo que se debana agora en Argentina suls crimes del franquisme.
Aquel rapòrt remembra qu’Espanha a l’obligacion internacionala d’assumir la responsabilitat de las desaparicions forçadas que i aguèt pendent lo franquisme, e deu aplicar “una politica d’estat comprensiva, coerenta e permanenta” per que los parents dels desapareguts pòscan saber que lor arribèt e per que ne recupèren las rèstas.
Al delà, recomanda al govèrn espanhòl de donar mai de sosten institucional e financièr als parents de las victimas e de crear una entitat que prenga en carga totas las questions restacadas. E tanben li demanda d’elaborar un plan de recèrca dels desapareguts tant lèu coma possible. En prenent en compte l’edat avançada dels testimònis e dels parents, la recèrca de la vertat e de l’endrech ont son los desapareguts deu èsser una “prioritat immediata”.
L’ÒNU atanben recomanda de metre en examen e de jutjar totas las desaparicions forçadas. Exigís per aquò que s’eliminen “totes los obstacles juridics intèrnes que pòscan empedir las recèrcas judiciàrias”. Demanda que la lei de memòria istorica aja pro de fonzes per que se pòsca aplicar e ditz al govèrn de velhar “sus la retirada dels escuts, insignas, placas e autres objèctes o mençons commemorativas d’exaltacion de la revòlta militara, de la guèrra e de la repression de la dictatura”.
Lo grop de trabalh demanda que se constituisca una banca estatala d’ADN amassant los escapolons genetics de totes los cases denonciats d’enfants raubats; prepausa de configurar una comission d’expèrts independents per determinar la violacion dels dreches umans pendent aquelas annadas; e demanda al govèrn espanhòl de collaborar mejançant los procèsses dobèrts, coma lo que se debana agora en Argentina suls crimes del franquisme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari