Actualitats
Invasion de rats a París
Los rats se passejan demièg los toristas suls jardins de las Tuileries
Dempuèi la setmana passada, los rats se passejan jol solelh suls jardins de las Tuileries de París, al bòrd del musèu del Louvre, qu’a mobilizat sos servicis de netejatge, çò an raportat de mèdias coma The Guardian, LeParisien o Ara.
Los rats envasisson la zòna mai vesitada de la capitala francesa, e las operacions de desratizacion reüssisson pas gaire. Las causas poirián èsser las rèstas de mangisca que los vesitaires daissan al sòl, la calor e la proximitat del flume de Sèina.
Segon Le Parisien, a París i auriá sièis milions de rats. La comuna a pas confirmat aquela donada mas a soslinhat lo dispositiu estival de desratizacion qu’a mes en marcha, mai que mai dins los endreches que los toristas los vesitan mai, e a mes sos servicis a la disposicion de totas las entitats privadas que n’ajan de besonh.
Qualques mèdias soslinhan que los vesitaires ofrisson de qué manjar als rats, en los vesent coma una mascòta, benlèu a causa del filme Ratatouille, que confond la ratatolha occitana amb la cosina francesa e que son protagonista es un rat simpatic. Aquel fals imatge seriá renfortit per una atraccion d’aquel filme dins Eurodisney.
Los rats envasisson la zòna mai vesitada de la capitala francesa, e las operacions de desratizacion reüssisson pas gaire. Las causas poirián èsser las rèstas de mangisca que los vesitaires daissan al sòl, la calor e la proximitat del flume de Sèina.
Segon Le Parisien, a París i auriá sièis milions de rats. La comuna a pas confirmat aquela donada mas a soslinhat lo dispositiu estival de desratizacion qu’a mes en marcha, mai que mai dins los endreches que los toristas los vesitan mai, e a mes sos servicis a la disposicion de totas las entitats privadas que n’ajan de besonh.
Qualques mèdias soslinhan que los vesitaires ofrisson de qué manjar als rats, en los vesent coma una mascòta, benlèu a causa del filme Ratatouille, que confond la ratatolha occitana amb la cosina francesa e que son protagonista es un rat simpatic. Aquel fals imatge seriá renfortit per una atraccion d’aquel filme dins Eurodisney.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paubres ratonets ! Malurosadament, qu'es ilhs que patiràn fin finala, que 'chabaràn ben per los eradicar a còps de -cide de tota sòrta los umans, 'laidonc que quilhs rats, animaus plan fins, fan mas s'adaptar a una situacion creada per los òmes, l'urbanitat.
Ten, quò me fai somnhar qu'aviá escrich un poèma sus los rats, 'na lauvenja daus rats. Vivan los rats ! e puei, l'i a pas de problema de malàudia 'quí, qu'es donc mas afar d'imatge negatiu dau rat (fòrça mai fòrta e mai ancorada que l'imatge positiu de Ratatolha).
La ville-lumière es claufida de rats! Es amusarèl!
Demòra al rei de França de'n trapar un que vòlga plan far lo flaütaire de Hamelin per far sortir las bestiòtas de la vila. En Valls segurament s'i voldrà donar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari