Un pagés dera Val d’Aran que trobèc mòrti setze chivaus —nau ègües e sèt potros— que peishien ena montanha de Perahita, en Canejan. Eth pagés qu’alertèc còp sec ath Conselh Generau d’Aran qu’envièc sus plaça es agents deth envoronament. Es agents que verifiquèren eth hèt en tot iniciar sus eth terren era recèrca de tralhes que podessen determinar es possibles causes dera mòrt des animaus.
Era causa mès probabla ei que s’agisque d’un atac d’ors. Cau tier en compde qu’es auti animaus qu’èren en aqueth endret —un arramat d’oelhes d’un vesin de Canejan e un tropèth de vaques d’ua elevaira comengesa— hugeren eth pèisheu, çò qu’ei un comportament indiciatiu dera preséncia der ors ena zòna. Ath delà, es agents qu’an localizat excrements d’ors a quauqui 15 mètres des chivaus mòrti.
Eth govèrn aranés ei a hèr eth rapòrt e a analisar es excrements entà determinar de quin ors son.
FM/CGA
Era causa mès probabla ei que s’agisque d’un atac d’ors. Cau tier en compde qu’es auti animaus qu’èren en aqueth endret —un arramat d’oelhes d’un vesin de Canejan e un tropèth de vaques d’ua elevaira comengesa— hugeren eth pèisheu, çò qu’ei un comportament indiciatiu dera preséncia der ors ena zòna. Ath delà, es agents qu’an localizat excrements d’ors a quauqui 15 mètres des chivaus mòrti.
Eth govèrn aranés ei a hèr eth rapòrt e a analisar es excrements entà determinar de quin ors son.
FM/CGA
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
# 4 - Ja me semblava que los araneses an fertil l'esprit autant coma los Ancians grecs ! Mercés per la plasenta e instructiva informacion.
#3 Mandrònius qu'ei un gigant mitologic d'Aran. Asseguren que lutèc contra es romans invasors, viuie amagat en ua tuta enes entorns de Betlan, e acabèc es sòns dies en Garòs a on ordenèc as sòns òmes que cavèssen era sua hòssa. A miejans deth sègle XX un vesin dera zòna que cavaue entà semiar truhes trobèc es rèstes d'un esquelet de gran estatura, e asseguren que pendent ans era imponenta tor dera glèisa de Garòs sauvèc eth cran que s'atribuïc ath Gigant Mandrònius. Quauques guides aranesi includissen enes sòns itineraris culturaus era visita ara tuta a on viuec eth brave Gigant Mandrònius, e compden detalhs dera sua istòria.
Voles parlar del Mandrònius de Cibàrrius ?
#1 As rason, 16 orsi non los aucís ne Mandrònius
Non pensi cap qu'er os age aucit 16 chivaus. Ei possible qu'es animaus auessen vist ar os e en húger auessen queigut per bèth barranc...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari