Dempuèi lo mes de febrièr passat, 887 personas son mòrtas dins lo Mond a causa del virus Ebòla, segon l’Organizacion Mondiala de la Santat (OMS). Las victimas se son concentradas dins quatre païses de l’Africa occidentala: Guinèa, Libèria, Sierra Leone e Nigèria. Al total, i a mai de 1600 personas infectadas.
Demest los afectats, i a un religiós espanhòl, Miguel Pajares, qu’après que li an diagnosticat la malautiá, l’an menat dins l’estat espanhòl per que i recépia un tractament. Fins a dimars se trobava isolat dins l’Espital Sant Josèp de Monròvia, la capitala de Libèria. Lo govèrn espanhòl a insistit que los risques de possibla contagion son fòrça basses. Lo curat espanhòl, dins sos 75 ans e originari de Toledo, es membre de l’ONG Juan Ciudad, de l’Òrdre de Sant Joan de Dieu.
De mai, s’es tanben repatriat doas personas de mai per aquela meteissa causa. Se tracta de dos cooperants estatsunidencs que lor arribèt tanben lo virus Ebòla en Libèria e, a l’ora d’ara, se tròban espitalizats a Atlanta (Estats Units). Los dos an recebut un tractament experimental que poiriá aver d’efièches positius suls malauts, segon çò qu’explica aqueste reportatge de CNN.
Ajuda economica
La Banca Mondiala a anonciat que destinarà 200 milions de dolars (a l’entorn de 150 milions d’èuros) per ajudar d’urgéncia los païses de l’Africa occidentala a conténer la flambada d’Ebòla. Aquel argent se liurarà als govèrns dels quatre païses afectats e a l’OMS.
Sens cap de vaccin ni tractament
A l’ora d’ara i a pas cap de tractament ni de vaccin per combatre lo virus Ebòla. Als pacients afectats que son dins los espitals lor provesisson de liquids per via intravenosa per fin d’aturar la desidratacion, e lor donan tanben d’antibiotics per luchar contra las infeccions. Malgrat que l’Ebòla aja pas de remèdi, los pacients an mai d’escasenças de subreviure se recebon lo tractament lèu. Ça que la, lo grelh actual de la malautiá met fin a la vida, aperaquí, del 50 o 60% de las personas infectadas.
Lo virus se propaga a travèrs del contacte per lo sang o per quin que siá autre fluid corporal infectat.
Dempuèi 1976
Lo virus Ebòla foguèt identificat pel primièr còp en 1976 al nòrd de Zaire (l’actuala Republica Democratica de Còngo). Dempuèi, e fins en 2013, s’èran infectadas mens de 1000 personas cada an, mas 2014 a superat aquela chifra.
Demest los afectats, i a un religiós espanhòl, Miguel Pajares, qu’après que li an diagnosticat la malautiá, l’an menat dins l’estat espanhòl per que i recépia un tractament. Fins a dimars se trobava isolat dins l’Espital Sant Josèp de Monròvia, la capitala de Libèria. Lo govèrn espanhòl a insistit que los risques de possibla contagion son fòrça basses. Lo curat espanhòl, dins sos 75 ans e originari de Toledo, es membre de l’ONG Juan Ciudad, de l’Òrdre de Sant Joan de Dieu.
De mai, s’es tanben repatriat doas personas de mai per aquela meteissa causa. Se tracta de dos cooperants estatsunidencs que lor arribèt tanben lo virus Ebòla en Libèria e, a l’ora d’ara, se tròban espitalizats a Atlanta (Estats Units). Los dos an recebut un tractament experimental que poiriá aver d’efièches positius suls malauts, segon çò qu’explica aqueste reportatge de CNN.
Ajuda economica
La Banca Mondiala a anonciat que destinarà 200 milions de dolars (a l’entorn de 150 milions d’èuros) per ajudar d’urgéncia los païses de l’Africa occidentala a conténer la flambada d’Ebòla. Aquel argent se liurarà als govèrns dels quatre païses afectats e a l’OMS.
Sens cap de vaccin ni tractament
A l’ora d’ara i a pas cap de tractament ni de vaccin per combatre lo virus Ebòla. Als pacients afectats que son dins los espitals lor provesisson de liquids per via intravenosa per fin d’aturar la desidratacion, e lor donan tanben d’antibiotics per luchar contra las infeccions. Malgrat que l’Ebòla aja pas de remèdi, los pacients an mai d’escasenças de subreviure se recebon lo tractament lèu. Ça que la, lo grelh actual de la malautiá met fin a la vida, aperaquí, del 50 o 60% de las personas infectadas.
Lo virus se propaga a travèrs del contacte per lo sang o per quin que siá autre fluid corporal infectat.
Dempuèi 1976
Lo virus Ebòla foguèt identificat pel primièr còp en 1976 al nòrd de Zaire (l’actuala Republica Democratica de Còngo). Dempuèi, e fins en 2013, s’èran infectadas mens de 1000 personas cada an, mas 2014 a superat aquela chifra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés per quela informacion totjorn de bon préner.
Voilá totparier precisar que, m'es d'avís, Ebola fai paur aus Europeans e que qu'es per quò que se'n parla tant, mas se parla pas tant daus pitits Africans que creben de fam que mai de 5 milions creben chasca annada avant 5 ans (45% de la populacion mondiala d'enfants de mins de 5 ans).
Qu'es pas dau tot un repròche au Jornalet, pusleu a la societat de l'informacion en generau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari