Actualitats
Carcassona: un òme, victima a l’encòp d’una agression e de la lei del silenci, acusa las autoritats
Lo 25 de mai passat, en plen jorn a 13h30, un carcassonés de 50 ans, Sr. Aïssa Medjebeur, se faguèt agressar per un quinzenat de menors e de joves adultes al motiu qu’èra vengut lor demandar de daissar d’importunar lo sieu felen que jogava dins una aira de jòcs per mainatges, segon çò que ven de raportar L’Indépendant. Aquò se passèt dins lo barri del Viguièr de Carcassona.
Una explosion de violéncia esglasianta
Puslèu que de ne prene per lor compte, la reaccion d’aqueles jovenasses foguèt d’una violéncia inimaginabla: al cutèr, li talhèron doas regas jols uèlhs e la carn de la cuèissa fins a li seccionar l’artèria femorala. Un passant li salvèt la vida en li far un garròt per fin que lo pauròt se vugèsse pas de sa sang.
Tres meses aprèp l’agression, l’enquèsta es en estagnacion totala: sonque un suspècte es estat ausit per la polícia e fins ara es pas encara estat interrogat pel jutge instructor. Tres meses aprèp l’agression tanpauc, cap de testimòni —e èran nombroses dins aqueste barri e a aquel moment de la jornada— a pas gausat anar parlar de tant lo clima de paur senhoreja dins lo Barri del Viguièr. Las gents demòran mudas, d’espaurugadas que son de patir de represalhas se se metèsson a parlar.
Aprèp la violéncia, la subrevioléncia
Qualques jorns aprèp que foguèsse rintrat de l’espital e del temps qu’èra en convalescéncia, unas personas (benlèu los que l’agressèron?) assagèron de raubar l’apartament de l’òme agressat.
Uèi lo jorn, la victima patís un traumatisme psiquic prigond, accentuat pel fach que los sieus agressors rondinejan encara dins lo barri.
Dolorosament macat dins sa carn e sa ment, Sr. Medjebeur a escrich una letra dobèrta a las personalitats publicas destacadas de la vila, çò es, lo cònsol, lo deputat e lo prefècte d’Aude. I declara que las personas en estat de dificultat son “impotentas fàcia a l’emergéncia de gropusculs amb de comportaments antisocials e quitament frauduloses enfortits per la desercion e la demission de las autoritats”. Clarament es mesa en acusacion l’ineficacitat de las autoritats francesas dins lor mission de garentir la seguretat dels ciutadans occitans dins un pichòt barri d’una pichòta vila de sonque 47 000 abitants.
Çò cinic dins aqueste afar pietadós es lo fach que Sr. Medjebeur es un òme conegut per son umanisme e son activisme dins la defensa de las populacions de son barri, segon çò qu’a publicat La Dépêche.
TL
Una explosion de violéncia esglasianta
Puslèu que de ne prene per lor compte, la reaccion d’aqueles jovenasses foguèt d’una violéncia inimaginabla: al cutèr, li talhèron doas regas jols uèlhs e la carn de la cuèissa fins a li seccionar l’artèria femorala. Un passant li salvèt la vida en li far un garròt per fin que lo pauròt se vugèsse pas de sa sang.
Tres meses aprèp l’agression, l’enquèsta es en estagnacion totala: sonque un suspècte es estat ausit per la polícia e fins ara es pas encara estat interrogat pel jutge instructor. Tres meses aprèp l’agression tanpauc, cap de testimòni —e èran nombroses dins aqueste barri e a aquel moment de la jornada— a pas gausat anar parlar de tant lo clima de paur senhoreja dins lo Barri del Viguièr. Las gents demòran mudas, d’espaurugadas que son de patir de represalhas se se metèsson a parlar.
Aprèp la violéncia, la subrevioléncia
Qualques jorns aprèp que foguèsse rintrat de l’espital e del temps qu’èra en convalescéncia, unas personas (benlèu los que l’agressèron?) assagèron de raubar l’apartament de l’òme agressat.
Uèi lo jorn, la victima patís un traumatisme psiquic prigond, accentuat pel fach que los sieus agressors rondinejan encara dins lo barri.
Dolorosament macat dins sa carn e sa ment, Sr. Medjebeur a escrich una letra dobèrta a las personalitats publicas destacadas de la vila, çò es, lo cònsol, lo deputat e lo prefècte d’Aude. I declara que las personas en estat de dificultat son “impotentas fàcia a l’emergéncia de gropusculs amb de comportaments antisocials e quitament frauduloses enfortits per la desercion e la demission de las autoritats”. Clarament es mesa en acusacion l’ineficacitat de las autoritats francesas dins lor mission de garentir la seguretat dels ciutadans occitans dins un pichòt barri d’una pichòta vila de sonque 47 000 abitants.
Çò cinic dins aqueste afar pietadós es lo fach que Sr. Medjebeur es un òme conegut per son umanisme e son activisme dins la defensa de las populacions de son barri, segon çò qu’a publicat La Dépêche.
TL
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E la gent cresen per de verai que lo FN au poder saubriá esgar 'ceptament quilhs afars ? Coma ? Per quau miracle ?
# 1- Que d'istòrias de planètas per aquestes torns! Tret d'aquò, ben vist.
#1 Non, l'exigéncia de justícia a pas res de reaccionari, e es vertat que lo sentiment d'abandon explica en partida lo vòte FN. Ven a nosautres occitanistas de prepausar d'alternativas politicas...
Nimai per me far tractar de reacionari un còp de mai, aquela facha divèrsa es la demostracion de çò que lo monde vòtan FN (que coma los autres partits demagogics fa de promessas). Aquela facha divèrsa demòstra lo voide al nivèl de la polícia e al nivèl de la justícia. A partir del moment ont la securetat es pas mai assegurada, la victima a paur e a rason d'aver paur. A prepauç de la vaquitat de la justícia ai l'exemple d'un jove que fa quatre ans qu'espèra d'èsser jutjat per aver detengut tres gramas de ashish. Demanda de longa d'èsser jutjat per poder passar a quicòm, mas a cada còp li es respondut que la justícia es aclapada de trabalh.
Per ne tornar al carcassonés Aïssa Medjebeur se caldrà pas estonar qu'un jorn se fague enganar pel miralhet del FN. Apuèi los intellectuals (que vivon probablament sus una autra planeta) serán estonats del 25 % del FN. Es pas la pena d'anar quèrre pus lèu...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari