La dòna d’aqueste vidèo resumís a la perfeccion e solament en doas minutas çò que se passa al nòrd d’Iraq. E o explica tanlament plan que cal pas saber l’arabi per comprene çò que ditz e arribar a sentir sa dolor. S’agís de Fiyan Dakhil, una deputada iazidita del parlament iraquian que demanda desesperadament d’ajuda als sieus collègas arabis.
La deputada explica qu’en Iraq i a un pòble qu’agoniza en mans de l’Estat Islamic e que sap pas çò que deu far perque lo Mond, qualqu’un, los ajude. Per çò qu’es dels politicians encargats de prene las decisions que l’escotan, espèran que la dòna destorbaira finalize lo discors e los daisse en patz.
Dakhil explica als deputats çò que se passa a l’ora meteissa a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan lo mieu pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion acordada. E quand ela acaba lo sieu torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en se dirigissent als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
Jordi Llaonart
Arabista e jornalista especializat en lo Mond Arabi e l’islam
Article traduch del catalan
La deputada explica qu’en Iraq i a un pòble qu’agoniza en mans de l’Estat Islamic e que sap pas çò que deu far perque lo Mond, qualqu’un, los ajude. Per çò qu’es dels politicians encargats de prene las decisions que l’escotan, espèran que la dòna destorbaira finalize lo discors e los daisse en patz.
Dakhil explica als deputats çò que se passa a l’ora meteissa a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan lo mieu pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fond de dolor, lo president del parlament li demanda que se limite a la declaracion acordada. E quand ela acaba lo sieu torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en se dirigissent als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
Jordi Llaonart
Arabista e jornalista especializat en lo Mond Arabi e l’islam
Article traduch del catalan
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#12 Èsser crestian, es seguir Jèsus-Crist, e pel cristianisme autentic, e mai una pensada agressiva es un crim. Legissètz lo Sermon sus la Montanha (Matieu 5-7). Los que tuan en nom de Jèsus-Christ non an de crestian que lo nom.
#11 De crestians de nom, puslèu.
#1 Encara vos voldriái remembrar qu'a Srebrenica foguèron de crestians que maselèron de musulmans, e fa pas gaire...
#6 Plan d'acòrd.
Totun ja vei un rapòrt, ja, enter los jihadistas en Irak e Siria, los taliban en Afghanistan e Paquistan, lo mujao dens l’Azauad, lo shabab de Somàlia, Bòco Hàram en Nigèria… e tanben enter Meriam Ibrahim, Malala Jossafzai, Alia el-Mahdi…
Et se Disiam, tot simplament, que las religions, totas son desesperadament obscurantistas? provatz de lor parlar de sexe !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari