Un avion de passatgièrs de la societat Taban Airline s’espotiguèt ièr dimenge a l’oèst de la capitala iraniana, Teheran, après s’enaurar. L’avion, amb quaranta uèch personas a bòrd, entre passatgièrs e personal, anava a la vila de Tabas, al sud-èst del país. La causa de l’accident seriá la falha d’un motor, après èsser sortit de l’aeropòrt de Mehrabad. Segon las primièras informacions i a agut trenta uèch mòrts e dètz subrevivents.
 
Segon çò que rapòrta la BBC, i a agut qualques accidents aerians en Iran pendent las darrièras annadas, a causa del vielhiment dels aparelhs e d’una mantenença deficienta de la part de las aerolinhas localas; es qu’an pas de pèças de recambi a causa de l’embarg internacional qu’Iran patís. La BBC apond qu’Iran fa volar encara d’avions crompats abans la revolucion de 1979.
 
En vint e cinc ans, i a agut mai de dos cents accidents amb dos mila mòrts.