Actualitats
Las milícias curdas capitan de salvar 20 000 iaziditas en los menant al Curdistan sirian
França demanda en Iraq un govèrn d’unitat mentre que masèlan 500 iaziditas de mai
Lo ministre francés dels afars estrangièrs es anat en Iraq per far pression sus las divèrsas comunautats del país, per tal que crèen un govèrn d’unitat nacionala.
“A l’ora d’ara Iraq a de besonh, mai que jamai, d’un govèrn d’unitat, de granda unitat, per que totes los iraquians se sentiscan representats e pòscan afrontar ensems la batalha contra lo terrorisme”, çò diguèt Fabius. Es aital que l’estat francés es a far lo meteis avertiment que los Estats Units e lo Reialme Unit. Aqueles tres païses occidentals son tanben a mandar d’ajuda umanitària. Los avions britanics an lançat de noiridura e d’aiga sus las montanhas ont la situacion es desesperanta, que de desenats de personas i morisson de la set e de la calor.
Masèl de 500 iaziditas
Ièr dimenge, lo ministre iraquian dels dreches umans denoncièt que los jihadistas de l’Estat Islamic maselèron 500 civils iaziditas, compreses de femnas e d’enfants, dont qualques unes los an enterrats vius. Al delà aurián presas 300 femnas coma esclavas.
Las minoritats etnicas o religiosas d’aquel territòri al nòrd d’Iraq son a fugir lo país. Dins las darrièras oras, aperaquí 20 000 personas son arribadas al Curdistan sirian, contrarotlat per la milícia curda, après que los quites curds ajan capitat de dobrir un corredor fins a las montanhas de Sinjar ont los jihadistas de l’Estat Islamic entornejavan aperaquí 50 000 iaziditas. Cal soslinhar lo brave trabalh de las femnas milicianas curdas que luchan contra los jihadistas e que defendon los iaziditas.
Ça que la, los jihadistas de l’Estat Islamic contunhan de publicar sus Internet de vidèos que celèbran de victòrias en issant lors bandièras negras sus las posicions militaras que conquistan.
Sièis mapas per comprene ben la crisi de Siria e d’Iraq
Lo jornalista catalan Vicent Partal a comentat una seguida de mapas que pòdon ajudar a comprene la realitat complèxa creada dins la region per l’armada de l’Estat Islamic.
“A l’ora d’ara Iraq a de besonh, mai que jamai, d’un govèrn d’unitat, de granda unitat, per que totes los iraquians se sentiscan representats e pòscan afrontar ensems la batalha contra lo terrorisme”, çò diguèt Fabius. Es aital que l’estat francés es a far lo meteis avertiment que los Estats Units e lo Reialme Unit. Aqueles tres païses occidentals son tanben a mandar d’ajuda umanitària. Los avions britanics an lançat de noiridura e d’aiga sus las montanhas ont la situacion es desesperanta, que de desenats de personas i morisson de la set e de la calor.
Masèl de 500 iaziditas
Ièr dimenge, lo ministre iraquian dels dreches umans denoncièt que los jihadistas de l’Estat Islamic maselèron 500 civils iaziditas, compreses de femnas e d’enfants, dont qualques unes los an enterrats vius. Al delà aurián presas 300 femnas coma esclavas.
Las minoritats etnicas o religiosas d’aquel territòri al nòrd d’Iraq son a fugir lo país. Dins las darrièras oras, aperaquí 20 000 personas son arribadas al Curdistan sirian, contrarotlat per la milícia curda, après que los quites curds ajan capitat de dobrir un corredor fins a las montanhas de Sinjar ont los jihadistas de l’Estat Islamic entornejavan aperaquí 50 000 iaziditas. Cal soslinhar lo brave trabalh de las femnas milicianas curdas que luchan contra los jihadistas e que defendon los iaziditas.
Ça que la, los jihadistas de l’Estat Islamic contunhan de publicar sus Internet de vidèos que celèbran de victòrias en issant lors bandièras negras sus las posicions militaras que conquistan.
Sièis mapas per comprene ben la crisi de Siria e d’Iraq
Lo jornalista catalan Vicent Partal a comentat una seguida de mapas que pòdon ajudar a comprene la realitat complèxa creada dins la region per l’armada de l’Estat Islamic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La legenda de la mapa 1 de Vicent Partal qu'indica que los iaziditas e son curdes, çò qui permet de compréner miélher çò qui's passa.
Òsca las hemnas milicianas curdas!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari