Actualitats
Fotbòl: l’LFP permet pas a Lusenac de jogar en Liga 2
E mai se los jogaires an plan meritat l’ascension, l’LFP la refusa per manca de mesuras de seguretat
La Liga Francesa de Fotbòl (LFP) refusèt divendres passat d’inclure en Liga 2 lo club de fotbòl Lusenac-Arièja-Pirenèus (LAP) que lo dirigís l’èx-portièr de la seleccion francesa, Fabien Barthez. La rason, segon çò que l’LFP a dich en un comunicat, es que lo club de Savartés complís pas los requisits de seguretat, mai que mai las mesuras de videosusvelhança. La decision la prenguèt a l’unanimitat lo conselh d’administracion de l’LFP, segon çò que rapòrta Le Figaro.
E mai se l’argument financièr de la Direccion Estatala de Contraròtle de la Gestion (DNCG segon sa sigla en francés) es favorable, es la seguretat de l’Estadi Ernest Wallon de Tolosa que deuriá aculhir las partidas del LAP, mas qu’a pas un sistèma de videosusvelhança, e segon lo president de l’LFP Frédéric Thiriez, aquò “es un element essencial per luchar contra la violéncia”. Thiriez apondiá que “podèm pas transigir amb las règlas de seguretat”. Ça que la, dins aquel estadi i jòga, a l’ora d’ara, l’Estadi Tolosan, l’esquipa de rugbi que mai de títols a ganhat en Occitània e en Euròpa.
De son costat, Jérôme Ducros, president del club de Lusenac, planh que “l’operacion menada per l’LFP dempuèi tres meses es d’emplegar totes los mejans per empedir lo LAP d’evolucionar en L2. Cèrcan totes los falses pretèxtes! Es tras que ridicul! Una marrida farsejada”.
Es aital qu’an condemnat lo LAP a demorar un an de mai al maximal nivèl amator, e mai se los esportius del club s’èran plan ganhat lo drech de jogar professionalament en Liga 2. Lo LAP estúdia la possibilitat de recórrer la decision de l’LFP davant lo Conselh d’Estat. S’aquel recors capitava ben, auriam per lo primièr còp 21 esquipas en Liga 2, çò que provocariá un desbordament inedit al calendièr e implicariá de tornar far lo despartiment dels dreches televisius, que segon de donadas oficialas, foguèron d’88 milions d’èuros la sason passada.
E mai se l’argument financièr de la Direccion Estatala de Contraròtle de la Gestion (DNCG segon sa sigla en francés) es favorable, es la seguretat de l’Estadi Ernest Wallon de Tolosa que deuriá aculhir las partidas del LAP, mas qu’a pas un sistèma de videosusvelhança, e segon lo president de l’LFP Frédéric Thiriez, aquò “es un element essencial per luchar contra la violéncia”. Thiriez apondiá que “podèm pas transigir amb las règlas de seguretat”. Ça que la, dins aquel estadi i jòga, a l’ora d’ara, l’Estadi Tolosan, l’esquipa de rugbi que mai de títols a ganhat en Occitània e en Euròpa.
De son costat, Jérôme Ducros, president del club de Lusenac, planh que “l’operacion menada per l’LFP dempuèi tres meses es d’emplegar totes los mejans per empedir lo LAP d’evolucionar en L2. Cèrcan totes los falses pretèxtes! Es tras que ridicul! Una marrida farsejada”.
Es aital qu’an condemnat lo LAP a demorar un an de mai al maximal nivèl amator, e mai se los esportius del club s’èran plan ganhat lo drech de jogar professionalament en Liga 2. Lo LAP estúdia la possibilitat de recórrer la decision de l’LFP davant lo Conselh d’Estat. S’aquel recors capitava ben, auriam per lo primièr còp 21 esquipas en Liga 2, çò que provocariá un desbordament inedit al calendièr e implicariá de tornar far lo despartiment dels dreches televisius, que segon de donadas oficialas, foguèron d’88 milions d’èuros la sason passada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jamai s'acabarà pas aquel afar ... Çò sembla, la Comuna de Tolosa s'es endevenguda ambe lo LAP per que lo club ariegés faga sas primièras partidas a l'Estadium (en esperant que las òbras necessàrias sián fachas a l'Estadi Ernest Wallon). Per seguir.
Sosten a Luzenac contra l'injusticia e lo fot-tot-moneda !
Coratge !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari