Actualitats
Situacion catastrofica pels produches agricòlas a causa del vèto de Russia
L’Union Europea a mes en marcha “de mesuras excepcionalas”
Russia a respondut amb fòrça a las sancions economicas dels Estats Units e de l’Union Europèa e a enebit las importacions de fòrça produches agricòlas, de matèrias primièras e d’aliments provenents d’aqueles païses. Aquò pòt provocar una situacion catastrofica pels agricultors occitans.
“La crisi qu’an conegut aqueste estiu los productors franceses de persègas, victimas de l’invasion de las persègas espanhòlas sul mercat francés, ara sembla anecdotica per rapòrt a çò qu’esperam d’ara endavant”, çò diguèt a Le Figaro lo president estatal de la Coordinacion Rurala, Bernard Lannes. Dins los Païses Catalans an calculat que provocarà de pèrdas de 250 milions d’èuros a lors païsans.
“De mesuras excepcionalas” de l’Union Europèa
La Comission Europèa anoncièt diluns passat de “mesuras de sosten excepcionalas” pels productors de persègas e de nectarinas de l’Union Europèa, per fin de los compensar de “las condicions meteorologicas advèrsas” e tanben de la pression addicionala” derivada de la mesura de Russia. Segon lo comissari europèu de l’agricultira, Dacian Ciolos, cal que “la Comission Europèa prenga de mesuras immediatas e retroactivas per tal de reduire l’ofèrta e promòure la demanda”; e avancèt qu’aquesta “primièra mesura” es “un senhal d’intencions”. Ciolos a apondut qu’esitarà pas a ajudar “los autres sectors que dependon de las exportacions en Russia, se cal”. Segon çò que rapòrta Le Figaro, lo còst d’aquela operacion de salvament serà d’entre 20 e 30 milions d’èuros.
La Comission Europèa aumentarà d’un 5% a un 10% lo percentatge de produches que se pòdon retirar per los distribuir gratuitament. Se retirarà doncas del mercat aperaquí 150 000 tonas de persègas e nectarinas.
D’autres productors, mai que mai los de pomas, demandaràn aqueste dijòus qu’aqueste salvament lor arribe tanben.
Grècia ajudarà sos productors
De son costat, lo govèrn de Grècia a promés que compensarà los productors grècs mai afectats per aquel embarg rus. “Los productors de persègas e de nectarinas seràn compensats, se veiràn pas afectats per la politica exteriora de l’Union Europèa”, çò a declarat la pòrtavotz del govèrn grèc, Sofia Voultepsi, a la television privada Mega.
De fach, Grècia es lo país de l’UE que mens expòrta en Russia (147,8 milions d’èuros). L’estat francés es a la 9a posicion amb 266,4 milions d’èuros, seguit per Itàlia amb 208,3 milions. L’estat espanhòl es en 5a posicion amb 440,8 milions d’èuros. Ça que la, los païses mai afectats son Polonha e Lituània amb 926,1 e 912,1 milions d’èuros respectivament.
“La crisi qu’an conegut aqueste estiu los productors franceses de persègas, victimas de l’invasion de las persègas espanhòlas sul mercat francés, ara sembla anecdotica per rapòrt a çò qu’esperam d’ara endavant”, çò diguèt a Le Figaro lo president estatal de la Coordinacion Rurala, Bernard Lannes. Dins los Païses Catalans an calculat que provocarà de pèrdas de 250 milions d’èuros a lors païsans.
“De mesuras excepcionalas” de l’Union Europèa
La Comission Europèa anoncièt diluns passat de “mesuras de sosten excepcionalas” pels productors de persègas e de nectarinas de l’Union Europèa, per fin de los compensar de “las condicions meteorologicas advèrsas” e tanben de la pression addicionala” derivada de la mesura de Russia. Segon lo comissari europèu de l’agricultira, Dacian Ciolos, cal que “la Comission Europèa prenga de mesuras immediatas e retroactivas per tal de reduire l’ofèrta e promòure la demanda”; e avancèt qu’aquesta “primièra mesura” es “un senhal d’intencions”. Ciolos a apondut qu’esitarà pas a ajudar “los autres sectors que dependon de las exportacions en Russia, se cal”. Segon çò que rapòrta Le Figaro, lo còst d’aquela operacion de salvament serà d’entre 20 e 30 milions d’èuros.
La Comission Europèa aumentarà d’un 5% a un 10% lo percentatge de produches que se pòdon retirar per los distribuir gratuitament. Se retirarà doncas del mercat aperaquí 150 000 tonas de persègas e nectarinas.
D’autres productors, mai que mai los de pomas, demandaràn aqueste dijòus qu’aqueste salvament lor arribe tanben.
Grècia ajudarà sos productors
De son costat, lo govèrn de Grècia a promés que compensarà los productors grècs mai afectats per aquel embarg rus. “Los productors de persègas e de nectarinas seràn compensats, se veiràn pas afectats per la politica exteriora de l’Union Europèa”, çò a declarat la pòrtavotz del govèrn grèc, Sofia Voultepsi, a la television privada Mega.
De fach, Grècia es lo país de l’UE que mens expòrta en Russia (147,8 milions d’èuros). L’estat francés es a la 9a posicion amb 266,4 milions d’èuros, seguit per Itàlia amb 208,3 milions. L’estat espanhòl es en 5a posicion amb 440,8 milions d’èuros. Ça que la, los païses mai afectats son Polonha e Lituània amb 926,1 e 912,1 milions d’èuros respectivament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari