Actualitats
Las sondas espacialas nos parlan sus Twitter dempuèi de milions de quilomètres
Podèm seguir “en primièra persona” las descobèrtas sus Mart, Saturne e los limits del Sistèma Solar
Lo 6 d’agost passat, la sonda Rosetta de l’Agéncia Espaciala Europèa (ÈSA) se placèt en orbita a l’entorn de la cometa 67P/Churiumov-Gerasimenko, a 400 milions de quilomètres de distància de la Tèrra e après dètz ans de viatge. Ara ne podèm seguir l’activitat jorn per jorn, amb d’imatges e de donadas actualizadas, dempuèi lo compte de Twitter @ESA_Rosetta, que la sonda nos rapòrta “en primièra persona” totes los passes que fa en seguissent la cometa de fòrça près. De la meteissa manièra, podèm seguir l’activitat jornadièra de las sondas e dels robòts enviats vèrs d’autres endreches del Sistèma Solar.
Aquò es lo compte de Twitter de la sonda Rosetta, qu’es en orbita a l’entorn de la cometa 67/P Churiumov-Gerasimenko:
Tuits de @ESA_Rosetta
Dins la sonda Rosetta i a lo robòt Philae, qu’en novembre que ven se destacarà de la sonda per aterrar sus la cometa. A l’ora d’ara nos explica, amb impaciéncia, cossí vei la cometa dempuèi un centenat de quilomètres de distància e que farà quora i aurà aterrat:
Tuits de @Philae2014
Ara, l’estela de las sondas sus Twitter es lo robòt Curiosity, que fa ja dos ans que vira sul sòl de Mart, en prenent de mòstras de tèrra e de ròcas e en enviant de donadas de tota sòrta sus la composicion de la Planeta Roja a la NASA. Curiosity a fach las fòtos de maximala definicion e mai espectaclosas de Mart, e quitament se gausèt far una autofòto:
Tuits de @MarsCuriosity
Un pauc mai luènh, la sonda Cassini es en orbita a l’entorn de Saturne e de sas lunas enigmaticas. Los imatges obtenguts son espantants.
Tuits de @CassiniSaturn
E la quita sonda Voyager 1, que fa gaireben quatre decennis que viatja per l’espaci, e que fa ja un an que sortiguèt del Sistèma Solar per intrar dins l’espaci interestellar, rapòrta de temps en temps son activitat.
Fin finala, caldrà èsser fòrça atentius d’aquí a un an a la sonda New Horizons, qu’es en camin cap a Pluton, la planeta naneta, freja e alonhada.
Tuits de @NASAVoyager
_____
Adaptat de l’article de Josep Casulleras Nualart publicat sus Vilaweb.
Aquò es lo compte de Twitter de la sonda Rosetta, qu’es en orbita a l’entorn de la cometa 67/P Churiumov-Gerasimenko:
Tuits de @ESA_Rosetta
Dins la sonda Rosetta i a lo robòt Philae, qu’en novembre que ven se destacarà de la sonda per aterrar sus la cometa. A l’ora d’ara nos explica, amb impaciéncia, cossí vei la cometa dempuèi un centenat de quilomètres de distància e que farà quora i aurà aterrat:
Tuits de @Philae2014
Ara, l’estela de las sondas sus Twitter es lo robòt Curiosity, que fa ja dos ans que vira sul sòl de Mart, en prenent de mòstras de tèrra e de ròcas e en enviant de donadas de tota sòrta sus la composicion de la Planeta Roja a la NASA. Curiosity a fach las fòtos de maximala definicion e mai espectaclosas de Mart, e quitament se gausèt far una autofòto:
Tuits de @MarsCuriosity
Un pauc mai luènh, la sonda Cassini es en orbita a l’entorn de Saturne e de sas lunas enigmaticas. Los imatges obtenguts son espantants.
Tuits de @CassiniSaturn
E la quita sonda Voyager 1, que fa gaireben quatre decennis que viatja per l’espaci, e que fa ja un an que sortiguèt del Sistèma Solar per intrar dins l’espaci interestellar, rapòrta de temps en temps son activitat.
Fin finala, caldrà èsser fòrça atentius d’aquí a un an a la sonda New Horizons, qu’es en camin cap a Pluton, la planeta naneta, freja e alonhada.
Tuits de @NASAVoyager
_____
Adaptat de l’article de Josep Casulleras Nualart publicat sus Vilaweb.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari