Un jove militar en formacion es detengut a Caors (Carcin Blanc) dempuèi diluns passat per aver tirat amb un pistolet d’alarma sus una menaira que l’aviá doblat, segon çò que rapòrta l’AFP.
 
Dissabte passat, a Caors, una femna que menava son auto auriá volgut despassar lo jove militar, que se n’anèt a man esquèrra per empedir lo despassament. Alavetz, la femna faguèt d’apèls de far abans d’ensajar de tornar despassar. Quora arribèt a la nautor del militar, aquel faguèt fuòc amb un pistolet d’alarma. La menaira intrèt en chòc e foguèt dos jorns en interrupcion de trabalh.
 
“Soi vengut baug que non sai. Jamai auriái pas degut far aquò”, çò reconeguèt lo jove davant lo tribunal correccional de Caors. Dins sos 18 ans, es militar en formacion a Istre (Crau) e passava las vacanças en cò de sos parents a Caors. Serà jutjat lo 1r de setembre e mentretant restarà detengut.