Dins lo nòrd de Kenya, un vilatge de l’etnia samburu atrai despuèi lo començament dels ans 1990 la curiositat.
S’apèla en swahili Umoja, çò que significa “unitat”. Foguèt fondat per de femnas que fugissián la tirania dels òmes. La màger part èran estadas violadas per de soldats britanics, puèi repudiadas per lors marits que las jutjavan desonoradas. Demandèron a las autoritats localas de tèrras que crompèron apuèi, i bastiguèron de cabanas, creèron una cooperativa e organizèron una microsocietat que sa particularitat es d’èsser interdicha als òmes, levat qualques toristas.
La vida de la femna samburu es tras que dura. Se lèva d’ora e va dormir fòrça tard. Malgrat l’enebicion legala de 2001, patís encara l’excision. Los matrimònis, poligams, son forçats e tanben o son los avortaments per las joventas celibatàrias. Capita tanben que las femnas maridadas sián tustadas.
Per totas aquelas rasons, Umoja es, malgrat la malfisança e mai l’ostilitat dels vilatges a son entorn, un refugi que permet d’escapar a la violéncia dels òmes. Las femnas qu’i vivon, de còps amb los mainatges, fabrican e vendon de joièls, e lo contacte amb de toristas e de donacions lor pòrtan tanben de revenguts.
Umoja, la dirigís Rebecca Lolosoli, qu’abans la fondacion del vilatge de las femnas, d’òmes samburu agrediguèron de biais violent perque disiá a las femnas de sa comunautat quins èran lors dreches. Ara la critican de còps per son comportament de matriarca que cèrca de contrarotlar la moneda, e tanben repròchan a l’economia d’Umoja de se daissar corrompre pel torisme.
Totun, lo vilatge de las femnas representa un espèr per fòrça africanas espotidas pel patriarcat. Un documentari de 2008, recompensat al Festenal Internacional de Programas Audiovisuals (FIPA) de Biàrritz en 2009, descriu e conta Umoja.
GJB
S’apèla en swahili Umoja, çò que significa “unitat”. Foguèt fondat per de femnas que fugissián la tirania dels òmes. La màger part èran estadas violadas per de soldats britanics, puèi repudiadas per lors marits que las jutjavan desonoradas. Demandèron a las autoritats localas de tèrras que crompèron apuèi, i bastiguèron de cabanas, creèron una cooperativa e organizèron una microsocietat que sa particularitat es d’èsser interdicha als òmes, levat qualques toristas.
La vida de la femna samburu es tras que dura. Se lèva d’ora e va dormir fòrça tard. Malgrat l’enebicion legala de 2001, patís encara l’excision. Los matrimònis, poligams, son forçats e tanben o son los avortaments per las joventas celibatàrias. Capita tanben que las femnas maridadas sián tustadas.
Per totas aquelas rasons, Umoja es, malgrat la malfisança e mai l’ostilitat dels vilatges a son entorn, un refugi que permet d’escapar a la violéncia dels òmes. Las femnas qu’i vivon, de còps amb los mainatges, fabrican e vendon de joièls, e lo contacte amb de toristas e de donacions lor pòrtan tanben de revenguts.
Umoja, la dirigís Rebecca Lolosoli, qu’abans la fondacion del vilatge de las femnas, d’òmes samburu agrediguèron de biais violent perque disiá a las femnas de sa comunautat quins èran lors dreches. Ara la critican de còps per son comportament de matriarca que cèrca de contrarotlar la moneda, e tanben repròchan a l’economia d’Umoja de se daissar corrompre pel torisme.
Totun, lo vilatge de las femnas representa un espèr per fòrça africanas espotidas pel patriarcat. Un documentari de 2008, recompensat al Festenal Internacional de Programas Audiovisuals (FIPA) de Biàrritz en 2009, descriu e conta Umoja.
GJB
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés beucòp per quel article sus un subject fòrça important me sembla. Me balha l'enveja de 'visar lo documentari.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari