Actualitats
Lo cònsol de Lemòtges vòl “netejar” la vila de prostitutas e de mendicaires
Libération a fach un reportatge en parlant amb de ciutadans concernits
Lo 22 de julhet passat, la municipalitat de Lemòtges prenguèt una disposicion contra la prostitucion e una autra contra los mendicaires. Lo nòu cònsol Émile-Roger Lombertie es del partit de drecha UMP e foguèt elegit amb los vòtes de l’FN. Segon son gabinet, se cèrca “la reconquèsta de l’espaci public” e la volontat “d’assegurar la tranquillitat” als abitants de la vila.
Ara, Libération ven de publicar un reportatge sus aquelas mesuras en parlant amb de ciutadans lemotjauds concernits e ne fa una analisi.
Cal dire que la comuna a multiplicat lo nombre de policièrs municipals per multar los contravenents e menar a la forrièra los cans dels mendicaires. Tanben, per forçar las personas concernidas a quitar la vila, çò que sembla pas gaire grèu per lo cònsol de Lemòtges; “se d’autras comunas o tolèran, quò es lor problèma. Pas ren las empacha de far parier”, segon çò que publiquèt Le Populaire en julhet passat.
_____
Libération: À Limoges, les «déviants» priés de faire place nette
Ara, Libération ven de publicar un reportatge sus aquelas mesuras en parlant amb de ciutadans lemotjauds concernits e ne fa una analisi.
Cal dire que la comuna a multiplicat lo nombre de policièrs municipals per multar los contravenents e menar a la forrièra los cans dels mendicaires. Tanben, per forçar las personas concernidas a quitar la vila, çò que sembla pas gaire grèu per lo cònsol de Lemòtges; “se d’autras comunas o tolèran, quò es lor problèma. Pas ren las empacha de far parier”, segon çò que publiquèt Le Populaire en julhet passat.
_____
Libération: À Limoges, les «déviants» priés de faire place nette
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A Tolosa an forobandit la prostitucions dins mantunes barris tanben.
Lo cònsol de Lemòtges vòl netejar la ciutat de las prostituïdas e dels mendicaires ? Supausi qu'imagina doncas lor acordar un revengut universal e incondicional e levant moneda pertot ont s'amaga per escapar fins ara a las talhas e autres impòstes… Per combatre la misèria, una soleta solucion, combatre la riquesa e luchar per l'egalitat incondicionala.
Fuec de Diu, qu'es pas de creire, me que sei Lemosin, nascut a Limòtges, me fai vergonha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari