Un grop de uèch novilleros colombians es en cauma de la fam dempuèi doas setmanas a l’entorn de las arenas de Bogotà per demandar al govèrn municipal de poder tornar far de corridas. Lo cònsol de la capitala de Colómbia, Gustavo Petro, enebiguèt aquel tipe d’espectacles fa dos ans e es a reformar l’arena en un centre d’espectacles perque s’i fagan “d’activitats de vida e non pas de mòrt”.
Los novilleros demandan d’èsser entenduts pel cònsol “pr’amor que nos viòlan lo drech a la liura expression, a la libertat de causir lo nòstre trabalh”. Segon los caumaires, l’enebicion de la corrida, qu’es pas enebida dins la rèsta de Colómbia, a provocat la desaparicion d’aperaquí 35 000 emplecs e de pèrdas als elevaires e als matadors.
De son costat, de fonts de la municipalitat an avertit que la corrida tornarà pas a Bogotà tant que Gustavo Petro serà cònsol.
Petro enebiguèt la corrida a Bogotà en junh de 2012, una mesura qu’a levat polemica demest los afeccionats mas qu’es estada plan benveguda pels defensors dels animals, e —segur— pels taures. Aital seguiguèt l’exemple de Catalonha qu’enebiguèt la corrida en 2010 e de las Illas Canàrias que l’avián ja enebida en 1991 amb una lei de proteccion dels animals. Per contra, l’estat francés la declarèt ben d’interès cultural en abril de 2011.
Los novilleros demandan d’èsser entenduts pel cònsol “pr’amor que nos viòlan lo drech a la liura expression, a la libertat de causir lo nòstre trabalh”. Segon los caumaires, l’enebicion de la corrida, qu’es pas enebida dins la rèsta de Colómbia, a provocat la desaparicion d’aperaquí 35 000 emplecs e de pèrdas als elevaires e als matadors.
De son costat, de fonts de la municipalitat an avertit que la corrida tornarà pas a Bogotà tant que Gustavo Petro serà cònsol.
Petro enebiguèt la corrida a Bogotà en junh de 2012, una mesura qu’a levat polemica demest los afeccionats mas qu’es estada plan benveguda pels defensors dels animals, e —segur— pels taures. Aital seguiguèt l’exemple de Catalonha qu’enebiguèt la corrida en 2010 e de las Illas Canàrias que l’avián ja enebida en 1991 amb una lei de proteccion dels animals. Per contra, l’estat francés la declarèt ben d’interès cultural en abril de 2011.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Completament d'acòrd coma S. Viaule. Un jorn seràn interdichas de pertot las corridas, urosadament.
"Ente riula lo sang l'art es impossibla" E. Delacroix
Per quant al tractament dels toros, soscrivi a l'emocion del sénher Viaule, e aquò ficat a despart, coma s'es afectionat d'Escòcia, fariái front de consèrva per empachar que maselèssen lo mostre del Loch Ness, si per cas o volián.
Lo sadisme es una neuròsi grèva. Aquel paure monde se deurián anar far suènhar. Imaginatz: prener de plaser a véser patir de bèstias!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari