L’Union Europèa s’es acordada per sosténer l’enviament d’armas de la part dels estats membres al Curdistan meridional. Los ministres dels Afars estrangièrs que s’amassèron dissabte passat a Brussèlas s’acordèron per que los estats, de faiçon individuala, “respond[èsso]n favorablament a las demandas de las fòrças de la region curda”, coma o a ja fach França, e aital que poguèsson sosténer la lucha contra los jihadistas de l’Estat Islamic.
 
Dins lo tèxt de conclusions de l’acòrdi, los Vint e Uèch sostenon lo nòu primièr ministre d’Iraq, Haydar Al Abadi, e fan una crida als estats de la region per trobar una sortida del conflicte a tèrme long.