A l’ora d’ara, Iraq, Siria e Curdistan vivon dins un conflicte complèxe, tot plen d’elements contradictòris, ont qualques collectius de pertot dins lo territòri se son afrontats: sunnitas, shiitas, curds e tanben assirians e iaziditas. La guèrra de Siria a refortit un grop islamic radical, l’Estat Islamic (ancianament ÈIIS, Estat Islamic en Iraq e Siria), que cèrca de desmembrar los estats iraquians e sirian, e implantar un califat que comprenga las populacions sunnitas de Siria e d’Iraq, al detriment de las autras comunautats etnicas e religiosas. Lo jornal catalan Vilaweb prepausa qualques articles e ligams per poder seguir lo conflicte.
 
La BBC fa una revision de la nòva situacion en Orient Mejan, fruch de l’ofensiva de l’Estat Islamic: “New Alliances Amid Middle East Chaos”.
 
The New York Times a amassat de mapas, fòtos e vidèos qu’ajudan a comprene totes los versants del conflicte Iraq-Estat Islamic: “The Iraq-ISIS Conflict in Maps, Photos and Video”.
 
Sul blòg de Vicent Partal, director de Vilaweb, trobaretz qualques mapas qu’explican la division etnica d’Iraq e l’ocupacion dels jihadistas: “Els mapes per a entendre la crisi de l’Iraq i Síria”.
 
 
Qu’es aquò l’Estat Islamic?
 
La BBC definiguèt aquel grop islamista coma un dels collectius jihadistas mai perilhoses del Mond: “Syria Iraq: The Islamic State militant group”.
 
E vaquí un ligam per conéisser lo perfil del dirigent del movement, Abu Bakr Al Baghdadi.
 
 
La situacion del govèrn iraquian
 
Nuri Al Maliki èra lo primièr ministre del govèrn iraquian pendent l’esclatament del conflicte. El es shiita. Lo destituiguèron recentament, acusat, entre d’autras causas, d’aver pas desvolopat una politica pro inclusiva per totes los collectius que fan partida d’Iraq. Vaquí un ligam ont s’explica qual es lo nòu primièr ministre, considerat moderat e mai inclusiu, Haydar Al Abadi: “Iraqis Nominate Maliki Successor, Causing Standoff”.
 
Podèm tanben verificar qu’aquel nòu primièr ministre es fòrça ben considerat pel govèrn dels Estats Units e per lors mèdias, coma o demòstra aqueste editorial del New York Times: “Iraq Needs a New Prime Minister”.
 
 
Conéisser Curdistan
 
Los curds son una minoritat nacionala dins quatre estats: Iraq, Iran, Siria e Turquia. En Iraq an l’autonomia e son un dels principals aliats dels Estats Units de la region. En seguida del conflicte causat pels jihadistas, lo primièr ministre, Masud Barzani, a intensificat la demanda d’un referendum d’independéncia. Dins lo ligam que seguís, podètz aprene qualques unas de las rasons qu’an los curds per aver un estat pròpri: “Support The Kurdish Independence: Letter To President Obama”.
 
Tanben, dins aqueste ligam de la cadena aràbia a Al Jazira, podètz legir un reportatge sus las nòvas relacions entre las faccions curdas, tradicionalament afrontadas: “Kurdish Rivals Unite To Fight Islamic State”.
 
Dins aqueste ligam, David Meseguer, un jornalista qu’a raportat sul terren qualques conflictes d’Orient, coma lo de Siria, explica lo ròtle de las femnas curdas dins lo combat contra los jihadistas e contra lo cap d’estat sirian Bashshar Al Asad: “Kurdish Female Fighters Face ISIS In Syria”.
 
 
Las autras minoritats
 
D’autras minoritats qu’an patit lo sètge dels jihadistas son los assirians e los iaziditas. Sul blòg de Jordi Llaonart, i a un article qu’explica la situacion d’aquela comunautat e sas revendicacions istoricas: “Ningú no es preocupa dels assiris perquè no posen bombes”.
 
E fin finala, trobaretz en seguida un agach curd sus lo ròtle dels Estats Units per rapòrt al masèl qu’an fach los jihadistas contra la populacion iazidita, sul replanat de Sinjar: “Facts About Kurdish Peshmerga Withdrawal From Iraqi Sinjar: Report”.