Actualitats
Los reportatges que James Foley i joguèt sa vida
L’Estat Islamic a distribuit un vidèo que mòstra la decapitacion del jornalista estatsunidenc
L’Estat Islamic a distribuit un vidèo que mòstra la decapitacion del jornalista estatsunidenc
Los jihadistas de l’Estat Islamic (ancianament ÈIIS, Estat Islamic en Iraq e Siria) an publicat un vidèo que mòstra la decapitacion del jornalista estatsunidenc James Foley. El èra portat desparegut en Siria dempuèi novembre de 2012. YouTube a retirat aquel vidèo après que d’associacions de professionals de tot lo Mond n’ajan plangut la publicacion. Lo vidèo se pòt trobar endacòm mai sus Internet, mas Jornalet lo publicarà pas.
Per contra Jornalet vos ofrís, amb l’ajuda de Vilaweb, qualques unes dels trabalhs del jornalista assassinat.
Foley aviá trabalhat sustot per Stars and Stripes, un jornal editat pel Pentagòn que rapòrta de tèmas de defensa. L’editor d’aquel jornal, es lo Congrès dels Estats Units que lo nomena per que siá independent de l’armada. Lo jornal a mai de 150 ans d’ancianetat. Al delà, Foster trabalhava tanben per Global Post, una agéncia internacionala de nòvas independenta.
Vaicí lo darrièr reportatge que James Foley mandèt al Global Post abans d’èsser raubat. Lo mandèt dempuèi Alèp, en Siria.
Pendent la guèrra de Libia, Foley foguèt tanplan capturat, coma o explican dins aqueste article, que fornís qualques ligams vèrs divèrses articles que lo quite Foley aviá escrich.
Lo borrèl poiriá èsser britanic
Lo borrèl de James Foley poiriá èsser britanic, a ne jutjar per son accent quand parla anglés sul vidèo macabre; aquò o reconeguèt ièr lo ministre dels afars estrangièrs del Reialme Unit, Philip Hammond, a la BBC. Lo ministre tanben remarquèt lo “nombre significatiu” de ciutadans britanics qu’an jongut lo combat jihadista e soslinhèt que l’Estat Islamic “representa una menaça dirècta per la seguretat nacionala”. Hammond apondèt que l’execucion de Foley manifèsta la “brutalitat” de l’armada jihadista.
“Çò qu’arriba d’Iraq e Siria es una poison, un càncer, e se poiriá estendre a d’autras partidas de la comunautat internacionala e nos afectar dirèctament”, çò avertiguèt Hammond, que parlèt quitament de la possibilitat de mandar de soldats per collaborar a la formacion e capacitacion de l’armada iraquiana.
L’assassinat del jornalista a quitament provocat lo retorn del primièr ministre David Cameron: aquel a interromput sas vacanças e es rintrat a Londres per s’amassar amb tot lo govèrn. Dins un comunicat, Cameron planguèt l’execucion del jornalista: “s’aquò èra verai, l’assassinat de James Foley es chocant e depravat”, çò diguèt.
Los jihadistas de l’Estat Islamic (ancianament ÈIIS, Estat Islamic en Iraq e Siria) an publicat un vidèo que mòstra la decapitacion del jornalista estatsunidenc James Foley. El èra portat desparegut en Siria dempuèi novembre de 2012. YouTube a retirat aquel vidèo après que d’associacions de professionals de tot lo Mond n’ajan plangut la publicacion. Lo vidèo se pòt trobar endacòm mai sus Internet, mas Jornalet lo publicarà pas.
Per contra Jornalet vos ofrís, amb l’ajuda de Vilaweb, qualques unes dels trabalhs del jornalista assassinat.
Foley aviá trabalhat sustot per Stars and Stripes, un jornal editat pel Pentagòn que rapòrta de tèmas de defensa. L’editor d’aquel jornal, es lo Congrès dels Estats Units que lo nomena per que siá independent de l’armada. Lo jornal a mai de 150 ans d’ancianetat. Al delà, Foster trabalhava tanben per Global Post, una agéncia internacionala de nòvas independenta.
Vaicí lo darrièr reportatge que James Foley mandèt al Global Post abans d’èsser raubat. Lo mandèt dempuèi Alèp, en Siria.
Pendent la guèrra de Libia, Foley foguèt tanplan capturat, coma o explican dins aqueste article, que fornís qualques ligams vèrs divèrses articles que lo quite Foley aviá escrich.
Lo borrèl poiriá èsser britanic
Lo borrèl de James Foley poiriá èsser britanic, a ne jutjar per son accent quand parla anglés sul vidèo macabre; aquò o reconeguèt ièr lo ministre dels afars estrangièrs del Reialme Unit, Philip Hammond, a la BBC. Lo ministre tanben remarquèt lo “nombre significatiu” de ciutadans britanics qu’an jongut lo combat jihadista e soslinhèt que l’Estat Islamic “representa una menaça dirècta per la seguretat nacionala”. Hammond apondèt que l’execucion de Foley manifèsta la “brutalitat” de l’armada jihadista.
“Çò qu’arriba d’Iraq e Siria es una poison, un càncer, e se poiriá estendre a d’autras partidas de la comunautat internacionala e nos afectar dirèctament”, çò avertiguèt Hammond, que parlèt quitament de la possibilitat de mandar de soldats per collaborar a la formacion e capacitacion de l’armada iraquiana.
L’assassinat del jornalista a quitament provocat lo retorn del primièr ministre David Cameron: aquel a interromput sas vacanças e es rintrat a Londres per s’amassar amb tot lo govèrn. Dins un comunicat, Cameron planguèt l’execucion del jornalista: “s’aquò èra verai, l’assassinat de James Foley es chocant e depravat”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Es pas çò que fa l'Al Qoran, mas es çò que fan de contunh unes intertprètes de l'Al Qoran… Un non cresent non crei en Dieu. Los Josieu (quespèran encara lo Messia) e los Crestians (que son de Josieus que l'espèran pas mai) an la meteissa fe que lo darrièr profèta, Muhammat, e pregan lo meteis dieu… Mas los ases que recupèran sa sensibilitat religiosa s'atissan despuèi sègles e sègles a los sacar los unes contra los autres. O cal pas mesclar tot, pecaire !
Sorata V, verset 56
O cresents ! vos cal pas prene per amics los josius e los crestians ; son amics los unes dels autres. Lo que los prendrà per amic acabarà per lor semblar, e dieu non serà ges lo guida dels pervèrs.
(Cresi pas de m’enganar, e me sembla que la quita lei francesa prevei de punir lo que butariá a l’asirança religiosa. De tot biais s’es pas una question judiciara, es, sens cap de dobte, una question morala : deguns a pas lo drech a instillar l’asirança e atal butar al crimi per de rasons religiosas. Es pr’aquò çò que fa de longa lo coran).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari