Prepausam aqueste brèu vidèo que dona una possibla explicacion del passatge del virus de las ratapenadas als umans. Se tracta d’un documentari scientific de la sèria Through the Wormhole, presentat per l’actor Morgan Freeman, qu’explica l’evolucion del virus dempuèi aquel animal, que n’es l’òste natural, fins a sa transmission als èssers umans. “Las ratapenadas e los umans semblan fòrça desparièrs mas lors cellullas emplegan de maquinàrias fòrça similaras”.
 
L’infeccion, lo vidèo en anglés l’explica en comparant lo còrs uman amb una estança clavada que las cellulas ne serián las cambras. Lo virus s’i introdutz en “imitant” la forma dels nutriments que la cellula n’a de besonh per viure. Al virus, d’efièch, li fa mestièr una cellula ostessa per s’i reproduire e infectar mai de cellulas.