80 000 espectators s’èran ramosats a Wembley aqueste dissabte 23 d’agost de vèspre per la finala de la Cup entre Leeds e lo convidat-suspresa, Castleford. Preses per l’ample de l’enjòc, los jogaires de Castleford foguèron lèu meses al plec pels Rinocèros de Leeds: los Tigres poguèron pas sortir las urpas. Menats 16-4 a la pausa, s’inclinèron 23-10. Lo capitani Sinfield èra lo mai urós dels òmes: el, qu’aviá ja perdut cinc còps la finala, podiá enfins joslevar lo trofèu.
Los Dracs gaitèron probable amb interès aquesta partida, que Castleford serà lo darrièr adversari de la fasa de classament lo 13 de setembre a Brutus. Mas lo menaire de jòc Leon Pryce a enlevat sos afars del vestiari catalan, que l’entraïnaire e los dirigents an significat al jogaire que comptavan pas mai amb el d’aicí la fin de sason en li reprochant una manca de motivacion. L’an que ven, Pryce portarà las colors d’Hull FC.
Las claus del camion sang e aur son balhadas al parelh Sam Williams-Tomàs Bòsc pel rescontre de dissabte a Brutus, a 6 oras del vèspre, contra los darrièrs de la classa, los London Broncos. Logicament... mas mèfi, los Dracs agèron plan de dificultats per ganhar a Londres e tanben pel rescontre de la Dimenjada Magica. Los adversaris dirèctes dels Dracs per la qualificacion en pelhòfas seràn pas tanpauc a la fèsta: divendres al ser, Hull KR anirà cò dels vesins d’Hull FC per un novèl afrontament de tria e Widnes reçauprà Wigan. Lo bon costat de las causas: los Dracs saupràn las resultas quand dintraràn sus la pelena.
L’an que ven, los London Broncos entamenaràn la sason en Superliga 2 e venon de recrutar lo mesclanha catalan, Guilhèm Barthau, mentre que Joan-Felip Baile prendrà la direccion de l’autre relegat: Bradford.
En Austràlia, a doas jornadas de la fin de la fasa de classament, la situacion ven enfins mai clara: Manly, Lapinons, Pols de Sydney e Penrith son assegurats de jogar las pelhòfas. Los NZ Warriors an daissat passar l’escasença d’èsser dins lo bon vagon amb una desfacha bèla sus lor pelena d’Auckland 46-12 fàcia als Roosters, sens Casty l’occitan, mas amb lo Sonny Bill William qu’èra de retorn.
Al país, las esquipas preparan la represa del campionat dels 13 e 14 de setembre: Tolosa jogarà contra una formacion militara anglesa aqueste dimècres en fin de vèspre, formacion que tornarà trapar dissabte sus l’Estadi Struxiano de la Ciutat Mondina pel torneg Aillères, qu’i prendràn tanben part los Tolosa Broncos e l’FC Lesinhan.
Alan Roch
Los Dracs gaitèron probable amb interès aquesta partida, que Castleford serà lo darrièr adversari de la fasa de classament lo 13 de setembre a Brutus. Mas lo menaire de jòc Leon Pryce a enlevat sos afars del vestiari catalan, que l’entraïnaire e los dirigents an significat al jogaire que comptavan pas mai amb el d’aicí la fin de sason en li reprochant una manca de motivacion. L’an que ven, Pryce portarà las colors d’Hull FC.
Las claus del camion sang e aur son balhadas al parelh Sam Williams-Tomàs Bòsc pel rescontre de dissabte a Brutus, a 6 oras del vèspre, contra los darrièrs de la classa, los London Broncos. Logicament... mas mèfi, los Dracs agèron plan de dificultats per ganhar a Londres e tanben pel rescontre de la Dimenjada Magica. Los adversaris dirèctes dels Dracs per la qualificacion en pelhòfas seràn pas tanpauc a la fèsta: divendres al ser, Hull KR anirà cò dels vesins d’Hull FC per un novèl afrontament de tria e Widnes reçauprà Wigan. Lo bon costat de las causas: los Dracs saupràn las resultas quand dintraràn sus la pelena.
L’an que ven, los London Broncos entamenaràn la sason en Superliga 2 e venon de recrutar lo mesclanha catalan, Guilhèm Barthau, mentre que Joan-Felip Baile prendrà la direccion de l’autre relegat: Bradford.
En Austràlia, a doas jornadas de la fin de la fasa de classament, la situacion ven enfins mai clara: Manly, Lapinons, Pols de Sydney e Penrith son assegurats de jogar las pelhòfas. Los NZ Warriors an daissat passar l’escasença d’èsser dins lo bon vagon amb una desfacha bèla sus lor pelena d’Auckland 46-12 fàcia als Roosters, sens Casty l’occitan, mas amb lo Sonny Bill William qu’èra de retorn.
Al país, las esquipas preparan la represa del campionat dels 13 e 14 de setembre: Tolosa jogarà contra una formacion militara anglesa aqueste dimècres en fin de vèspre, formacion que tornarà trapar dissabte sus l’Estadi Struxiano de la Ciutat Mondina pel torneg Aillères, qu’i prendràn tanben part los Tolosa Broncos e l’FC Lesinhan.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari