Après una amassada d’una ora amb lo president François Hollande, lo primièr ministre francés, Manuel Valls, li presentèt ièr de matin la demission de tot lo sieu govèrn. En seguida, lo cap de l’estat demandèt al quite Valls de “constituir una còla en coeréncia amb las orientacions qu’el meteis a definit pel país”. Darrièr aquela crisi i a las fòrtas discordanças intèrnas a prepaus de la politica d’austeritat començada per Valls.
 
La composicion del nòu govèrn s’anonciarà uèi dimars.
 
La demission en blòc arriba après las criticas publicas contra la politica economica, lançadas sustot pel ministre de l’economia, Arnaud Montebourg, e lo de l’educacion, Benoît Hamon. De fach, dins un discors a la Fèsta de la Ròsa de dimenge passat, lo responsable de l’economia assegurèt qu’aviá demandat a François Hollande e Manuel Valls una “granda inflexion” en la politica economica, centrada sus l’austeritat. Montebourg indiquèt que, “pr’amor de la gravitat de la situacion economica”, sa responsabilitat coma ministre èra de prepausar de solucions alternativas. Las diferéncias entre Montebourg e Valls, sembla que, fin finala, an fach tombar tot lo govèrn en blòc.
 
Amb aquela decision, Valls voldriá tanben ensajar d’arrestar la casuda en picat de sa popularitat dempuèi que venguèt primièr ministre, lo 31 de març passat. En mens de sièis meses, sonque un 36% dels franceses n’apròvan la gestion, segon un sondatge de l’IFÒP publicat per Le Journal du Dimanche. 

Manuel VALLS a présenté au Président de la République la démission de son Gouvernement pic.twitter.com/5kijTGCO06

— Élysée (@Elysee) August 25, 2014

Las criticas de Montebourg a Valls sus Twitter

Le débat n'est pas une question d'autorité mais d'orientation économique. #E1

— Arnaud Montebourg (@montebourg) August 25, 2014

Ce dont nous instruit l'économie actuelle, c'est qu'il est impossible de réduire les déficits avec des mesures d'austérité sans croissance.

— Arnaud Montebourg (@montebourg) August 25, 2014