Actualitats
D’eleccions anticipadas en Ucraïna
Poroshenko ven d’anonciar la dissolucion del parlament e la convocacion d’eleccions pel 26 d’octòbre
Lo president ucraïnés Petro Oleksiiovych Poroshenko anoncèt ièr de ser la dissolucion del parlament e la convocacion d’eleccions legislativas lo 26 d’octòbre que ven. “Ai decidit de metre fin prematurament a l’autoritat del parlament”, çò escriguèt sus Twitter.
Segon lo servici de premsa del president ucraïnés, Poroshenko auriá pres aquela decision perque “la majoritat dels deputats aprovèron de leis dictatorialas” que costèron de vidas nombrosas a d’activistas de la revòlta de Maidan.
Segon çò que rapòrta RIA Novosti, Poroshenko a revocat los poders del parlament e a cridat las “fòrças democraticas” a participar coma “una còla unida pròucraïnesa, pròeuropèa” a aquelas eleccions. De son costat, lo pòrtavotz de Poroshenko, Sviatoslav Tzeholko, a dich sus son Facebook que “lo president a anullat los poders de la Rada suprèma perque es la sola decision corrècta e responsabla”.
Poroshenko se reünís uèi amb son omològ rus, Vladimir Putin
Poroshenko se reünís uèi a Minsk (Bielorussia) amb son omològ rus, Vladimir Putin, e amb de dirigents de l’Union Europèa per tractar, mai que mai, la guèrra a l’èst d’Ucraïna, un conflicte qu’a provocat mai de 2200 mòrts en qualques quatre meses.
Segon lo servici de premsa del president ucraïnés, Poroshenko auriá pres aquela decision perque “la majoritat dels deputats aprovèron de leis dictatorialas” que costèron de vidas nombrosas a d’activistas de la revòlta de Maidan.
Segon çò que rapòrta RIA Novosti, Poroshenko a revocat los poders del parlament e a cridat las “fòrças democraticas” a participar coma “una còla unida pròucraïnesa, pròeuropèa” a aquelas eleccions. De son costat, lo pòrtavotz de Poroshenko, Sviatoslav Tzeholko, a dich sus son Facebook que “lo president a anullat los poders de la Rada suprèma perque es la sola decision corrècta e responsabla”.
Poroshenko se reünís uèi amb son omològ rus, Vladimir Putin
Poroshenko se reünís uèi a Minsk (Bielorussia) amb son omològ rus, Vladimir Putin, e amb de dirigents de l’Union Europèa per tractar, mai que mai, la guèrra a l’èst d’Ucraïna, un conflicte qu’a provocat mai de 2200 mòrts en qualques quatre meses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari