La version italiana de la revista Wired, consagrada a l’informacion tecnologica e a la vida en ret, prepausa dins aqueste article los cent musèus que considèra mai interessants del Mond, qu’entre eles cinquanta son consagrats a las arts e cinquanta de mai a la sciéncia. N’i a de totes los continents e ne podèm trobar tres dins lo nòstre país: lo Musèu Oceanografic de Mónegue, lo MUCÈM de Marselha e lo pargue volcanic Vulcània en Auvèrnhe.
 
Mai que mai interessanta es la lista del mièg centenat de musèus de la sciéncia e de la tecnica que prepausa Wired, que demièg eles podèm trobar lo Scitech de Perth (Austràlia), la Vila de la Sciéncia de Calcuta (Índia), lo Musèu de la Sciéncia e de la Tecnologia de Shanghai (China), l’Aqüari Churaumi a Okinawa (Japon), lo Musèu de Neil Armstrong a Wapakoneta (Ohio), lo Musèu Nacional de la Sciéncia, la Tecnologia e l’Espaci Madatech (Israèl), lo Musèu dels Cosmonautas de Moscòu (Russia), lo Centre de la Sciéncia de Ciutat del Cap (Sud-Africa), lo Mathematikum de Gießen (Alemanha), lo Musèu Nacional de la Sciéncia e la Tecnologia de Taiwan, l’Exploratorium de San Francisco (Califòrnia), lo Centre Scientific Copernic de Varsòvia (Polonha) e l’Our Dynamic Earth d’Edimborg (Escòcia).