La tension a aumentat de manièra notabla en Ucraïna, sustot dempuèi dijòus. Lo govèrn ucraïnés a acusat oficialament Russia d’aver envasit lo país, acusacion que lo Cremlin qualifica de “fantasiosa”. L’OTAN a fach publicas qualques fotografias de convòis militars russes qu’afirma qu’opèran en Ucraïna e a demandat de far una reünion urgenta. Tanben a ordenat de manòbras militaras als estats baltics amb la participacion de tropas estatsunidencas. Ucraïna a restablit fa pauques jorns lo servici militar obligatòri.

Dementre, lo president de la Duma russa a negat aquela acusacion en disent que nonmàs vòl implicar los estats europèus e l’OTAN. Lo govèrn rus a reconegut que i a una concentracion inabituala de tropas russas de l’autre costat de la frontièra, mas a dich que totes los païses farián çò meteis se tenguèsson un conflicte armat a pauques quilomètres de lor territòri.