D’auròras borealas o australas, n’i a fòrça images que circulan sul ret. Mas lo vidèo que publiquèt la setmana passada l’Agéncia Espaciala Europèa (ESA) ne mòstra una perspectiva mai malaisida de trobar: s’i pòt veire una auròra dempuèi l’Estacion Espaciala Internacionala, que i arriba practicament per dedins.
 
Lo vidèo, de mièja minuta, se faguèt amb la adjonccion de fotografias sequencialas fachas per l’astronauta de l’ESA Alexander Gerst, que diguèt: “Volèrem a travèrs d’una granda auròra en seguida de l’ejeccion de massa solara de la setmana passada”.
 
Las auròras son un dels espectacles atmosferics mai estonants e polits de veire. Se produsisson quand de particulas fòrça energeticas originadas al Solelh, lo nomenat vent solar, arriban a l’atmosfèra terrèstra pels camps magnetics del pòl nòrd (auròres borealas) o sud (auròras australas).