Actualitats
Escòcia: los independentistas se sarran de la victòria
Segon los dos darrièrs sondatges, deurián aténher un 4% de vòtes de mai per ben capitar
A doas setmanas pel referendum d’independéncia d’Escòcia, los dos sondatges mai recents que se son publicats dison que los partisans de l’independéncia son a mand d’egalizar los partisans del “non”. Segon aqueles sondatges, un cambiament d’opinion del 4% dels votants donariá la victòria als independentistas, çò a raportat Nationalia.
Lo sondatge que publica The Times ditz que lo 53% dels escoceses voldrián demorar dins lo Reialme Unit del temps que lo 47% voldrián l’independéncia. L’independentisme auriá crescut d’un 8% dins lo darrièr mes.
De son costat, lo Daily Mail publicava que lo 46,5% dels escoceses votarián per l’independéncia e lo 53,5% votarián de non. Aquel sondatge exclusiá los indecises.
Dempuèi que Londres e Edimborg pachèron en 2012 la data e la question de pausar dins aquel referendum, solament un sondatge a donat la victòria als independentistas, lo que lo Partit Nacional Escocés comandèt en 2013.
Lo sondatge que publica The Times ditz que lo 53% dels escoceses voldrián demorar dins lo Reialme Unit del temps que lo 47% voldrián l’independéncia. L’independentisme auriá crescut d’un 8% dins lo darrièr mes.
De son costat, lo Daily Mail publicava que lo 46,5% dels escoceses votarián per l’independéncia e lo 53,5% votarián de non. Aquel sondatge exclusiá los indecises.
Dempuèi que Londres e Edimborg pachèron en 2012 la data e la question de pausar dins aquel referendum, solament un sondatge a donat la victòria als independentistas, lo que lo Partit Nacional Escocés comandèt en 2013.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí ua bona novèla… o lhèu pas tant qu'aquò : http://www.lemonde.fr/europe/article/2014/09/07/les-independantistes-ecossais-pour-la-premiere-fois-en-tete-d-un-sondage_4483266_3214.html
N'ei pas defenut d'i créder. Mes avisem-nos aus indecís : au darrèr moment, la paur deu gran saut tà l'inconeishut que'us hè sovent causir lo statu quo. B'ac saben los quebequés : per dus còps la desahida qu'estó a la mesura deus espèrs…
Avisà's tanben a las manipulacions : entà espaurugar lo monde, los nonistas que poirén brandir la miaça de l'òc dab l'amira de desvelhar lo vòte contra. La chifra 51/49 qu'ei tot just çò qui cau entad aquò. Que ditz : "Que i a ua miaça seriosa mes n'ei pas tròp tard entà hà'i empach" (mentre que, publiquèssin un sondatge dant 53% ta l'òc, los separatistas qu'i ganharén estrambòrd e lo unionistas que poirén díser : "Ah, tè, b'ei fotut alavetz" e desmobilizà's).
Atau lo moment qu'ei critic mes, paradoxaument, hèra perilhós peus independentistas.
E se mancan la victòria per 1 o 2 %, lo Reiaume Unit dab l'Union Europèa que van consacrar ua energia descabestrada (quiò : enqüèra mei que dinc adara) tà descorar o arròder lo separatisme pendent los vint ans qui vienen, en usar e abusar de tots lo mejans dejà emplegats (propaganda, intimidacion, embirladas, clientelisme)…
Ganhèsse lo òc a escòcia e Catalunya , me mudariái per las carrièras agenesas en kilt e barratina en esperar lo jorn de forçar lo trèit damb un quessòt (tee-shirt) d'Adishatz per festejar nòstre país.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari