La Cort de Justícia de l’Union Europèa a declarat l’illegalitat de qualques 205 milions d’èuros d’ajudas que l’estat francés concediguèt a l’operator maritim Societat Nacionala Corsega-Mediterranèa (SNCM), en 2002 per sa restructuracion, e dins l’encastre de sa privatizacion en 2006, segon çò que rapòrta Libération. Dins aquela senténcia, dicha ièr, aquela Cort, amb sèti a Luxemborg, rebuta las apelacions que l’SNCM e l’estat francés avián fach.
Lo pòrtavotz europèu en carga dels afars de la concurréncia, Antoine Colombani, diguèt ièr dins sa conferéncia de premsa que l’UE “es conscienta que la necessitat de remborsar l’ajuda imcompatibla [amb l’UE] agrava las seriosas dificultats de l’SNCM”. “Se tracta malaürosament de l’autrejament per França d’ajudas incompatiblas amb las ajudas europèas”, çò apondèt, en remarcant qu’“aquela senténcia met pas en question la prerogativa de França per definir e organizar lo servici maritim public entre Corsega e lo continent, en plen compliment de las nòrmas comunautàrias”.
L’SNCM, Societat Nacionala Corsega-Mediterranèa, nasquèt en 1969 jol nom Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006: l’accionariat de l’emblematica entrepresa marselhesa correspond a Véolia Transdev (66%), a l’estat francés (25%) e als emplegats (9%).
Lo pòrtavotz europèu en carga dels afars de la concurréncia, Antoine Colombani, diguèt ièr dins sa conferéncia de premsa que l’UE “es conscienta que la necessitat de remborsar l’ajuda imcompatibla [amb l’UE] agrava las seriosas dificultats de l’SNCM”. “Se tracta malaürosament de l’autrejament per França d’ajudas incompatiblas amb las ajudas europèas”, çò apondèt, en remarcant qu’“aquela senténcia met pas en question la prerogativa de França per definir e organizar lo servici maritim public entre Corsega e lo continent, en plen compliment de las nòrmas comunautàrias”.
L’SNCM, Societat Nacionala Corsega-Mediterranèa, nasquèt en 1969 jol nom Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006: l’accionariat de l’emblematica entrepresa marselhesa correspond a Véolia Transdev (66%), a l’estat francés (25%) e als emplegats (9%).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari