Actualitats
Era crisi e era pòur ath centralisme deth govèrn espanhòu qu'an mercat enguan era Hèsta d'Aran
Eth sindic d'Aran a demanat ara vice-presidenta de Catalonha qu'accelere era tramitacion dera naua Lei d'Aran, entà protegir-se des intencions centralistes deth govèrn espanhòu
Eth sindic d’Aran, Carlos Barrera, a demanat ara vice-presidenta de Catalonha, Joana Ortega, qu'eth Govèrn dera Generalitat, hèsque tot çò que sigue possible entà accelerar era tramitacion en Parlament de Catalonha dera Naua Lei d’Aran, qu'“a de perméter era acceptacion dera singularitat d’Aran coma territòri laguens de Catalonha". Barrera qu'a hèt aguesta peticion pendent era celebracion dera Hèsta d'Aran en tot parlar dera naua Lei de Regim locau que premanís eth govèrn espanhòu e que permeterie d'assimilar municipis e refortilhar eth papèr des deputacions "en detriment des ajuntaments e deth quite Conselh Generau d'Aran". “En moments coma er actuau non podem cap retrocedir”, a dit eth sindic.
Ortega qu'a arresponut qu'“eth Govèrn dera Generalitat, defenerà toti es pòbles de Catalonha, petiti e grani, deuant dera naua Lei de Regim locau deth Partit Popular". Era vice-presidenta qu'a balhat eth sòn sosteniment ath Conselh Generau, mès que mès en ua jornada que servís ara "afirmacion dera identitat aranesa".
Es reduccions budgetàries s'an tanben notat enes actes de celebracion dera Hèsta d'Aran qu'enguan s'a limitat quasi solament as actes protocolaris.
Ferriòl Macip
Ferriòl Macip
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En tot cas, era lei preparada peth PP de madrid enlà que sembla d'estar un vertadèr problèma entaths aranés.
#1 A noste que disen atau. "Aver paur a quauquarren", e tanben "aver besonh quauquarren".
hètz cagar. podetz pas léger los articles shens aqueth uelh ? i a auta causa dens la vita que non pas las fautas de sintaxi. o lavetz, cau estar latiniste.
Pòur ath centralisme: on ei lo problèma (lingüisticament, se voi diser? ). A jo que'm sembla hèra corrècte.
"Los òmis qu'an paur au lop." Que's ditz atau.
"pòur" es una grafia polemica. Mas sustot "pòur ATH centralisme" com o justifiques?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari