Actualitats
Lo nòu sit web de la Generalitat de Catalonha tanben en occitan
La Generalitat de Catalonha presentèt diluns passat son nòu sit web, tot modernizat. Al delà de melhorar la facilitat d’accès als contenguts e del dessenh adaptat als ordenadors, telefòns mobils e tauletas; e tanben al delà de fòrça novetats, ne cal soslinhar una: lo sit es consultable tanben en occitan.
Fins ara, la nòstra lenga èra presenta dins aquel sit dins qualques paginas especificas, mas ara tot lo sit es disponible en catalan, occitan, espanhòl e anglés. La varietat causida es majoritàriament l’aranesa, ja que son aqueles occitans los ciutadans qu’emplegaràn mai los servicis que la Generalitat de Catalonha prepausa als ciutadans.
Fins ara, la nòstra lenga èra presenta dins aquel sit dins qualques paginas especificas, mas ara tot lo sit es disponible en catalan, occitan, espanhòl e anglés. La varietat causida es majoritàriament l’aranesa, ja que son aqueles occitans los ciutadans qu’emplegaràn mai los servicis que la Generalitat de Catalonha prepausa als ciutadans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#17 Quela clarvesença me sembla suventas vetz dau defaitisma (emb un brave francisme ten! coma dirias tu, te ?). La clarvesença empaicha d'aver una vision de l'avenidor. Qual occitan en Lemosin dins 10, 20, 50 ans ? Ren. Dins 50 ans qu'es chabat.
Compare quò a las luchas ecologistas, a la lucha contra l'eschaurament climatic. Qu'es chabat tanben. Mas quò empaicha pas d'aver una vision de la societat que faudria. E mai si sabem ben que quò se passarà jamai. Qu'es quò en fach : se balha una vision, un objectiu, una projeccion que sabem utopista, ilusòria e ne'n massar quauquaren (pas çò qu'avem pensat mas, quauquaren totparier).
E una autra comparason entre ecologisme e occitanisme : los pitits gestes quotidians, lo pitit geste per sauvar la planeta, quò, quò marcharà fòrça mielhs per l'occitan. Sauvarem pas la planeta emb quilhs pitits gestes, qu'es quasiment inutil. Per contra, quò pòt aver una eficacitat per la lenga : la gardar viva e disponibla per lo que ne'n vòlen far mai.
#20 Tè, l'i a pas mai d'occitan, nonmàs una colleccion de parlars dispariers. La sola linga que valhe, quò es l'estandard occitan de segur ! (Mas lo cerchem d'enguera).
Anem, ai ben comprengut, pitit mocandier, que quò era de l'umor, que zo fasiàs a l'exprès per te trufar daus normalizators normativizaires. (Ops, z'auriá benleu pas degut dire)
Siriá a lor plaça, sabe pas coma zo prendriá lol
Mas deve confessar que quela sòrta d'umor caricaturau es pas per me desplaire/desagradar. ;-)
#20 Merce plan per aqueste precision.
#7 Dialècte aranés? N'existís pas cap de dialècte "aranés" . "L'aranés" que son ueit parlars distints. Lo qu'ei emplegat en aqueth site de la Generalitat qu'ei l'estandard, emplegat en efèit per l'administracion e utilizat peus professors e dins los libes d'escòla.
#18 Sei pas contra tota estandardizacion o normalizacion mas una estandardizacion plan pensada e subretot polimorfica.
Mas totparier, vese pas l'interès de perpausar un estandard a basa de lengadocian miegjornau en Lemosin o en Auvernha per exemple, quau sensena ? Perqué pas un estandard a basa de lemosin o de vivaro-aupenc en Lengadòc per exemple ? A còpsec, vos vese pas tant d'acòrd, "m'engani" ? Los tenents de l'estandardizacion a basa de lengadocian, quò es suvent daus Lengadocians, quò es curiós totparier...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari