La revista en linha COOPH demandèt al fotograf Lorenz Holder se sabiá qualque truc per far mai de fotografias bonas amb un esmartfòn. La responsa venguèt dins un vidèo amb sèt conselhs magnifics e engenhoses per aprofechar totas las possibilitats d’un esmartfòn, dins son cas un iPhone. Dins 7 Smartphone Photography Tips & Tricks (Sèt trucs e estècs per las fòtos d’esmartfòn), Holder prepausa cossí far de fòtos panoramicas amb l’aparicion repetida d’un meteis modèl, de macros lentas, de zooms simples e fòrça mai de causas.
 
Prepausa tanben d’idèas per far de fotografias jos l’aiga d’un biais fòrça aisit, tanben per aver de reflectors a bon mercat e quitament explica cossí fabricar, sens gaire de complicacions, de trespès amb de desenclavadors a distància.