“La consciéncia nacionala dels bretons es pus fòrta que jamai”, çò ditz l’avocat breton Yann Choucq dins una entrevista a Nationalia. Segon l’activista, la revendicacion de la reünificacion de Bretanha a revelhat aquela consciéncia nacionala, que s’es vista refortida amb lo refús de la nòva division regionala que prepausa lo govèrn francés.
 
A respècte del movement dels bonets roges, entraïnat en Bretanha per una ecotaxa que los bretons considèran injusta, Choucq considèra que s’agís d’un movement fòrça espontanèu e que constituís pas un nuclèu capable de generar una fòrça politica.
 
Dins aquela entrevista, Choucq afirma que lo sistèma actual, ont lo Mond es organizat en estats, es acabat, e prevei un avenir ont los pòbles seràn los protagonistas. L’avocat activista dels dreches dels pòbles afirma tanben que cal pas res esperar de l’estat francés, que gausa quitament reportar lo referendum de la Nòva Caledònia e mai s’es l’ÒNU que demanda d’organizar aquela consulta. Es per aquò que pensa que la reconeissença dels pòbles de l’Exagòn arribarà internacionalament en afrontant l’oposicion de França. Choucq prepausa que l’organizacion de la vida umana se faga a partir de las identitats de las gents que vòlon viure al país e que se vòlon organizar entre elas.
 
Podètz legir l’entrevista en catalan dins Nationalia.