William MacMoran es un dels personatges de la sèria animada The Simpsons. Mai conegut coma Willie, es lo jardinièr e l’encargat del netejatge de l’escòla primària d’Springfield. Mas es sustot un fièr escocés, coma se remarca per son fòrt accent. Pr’amor d’aquò, tocant lo referendum d’aqueste 18 de setembre, a decidit de lançar una crida en favor de l’independéncia… e del sieu interès per presidir una futura Escòcia liura.
 
La cadena Fox, qu’emet dempuèi vint e cinc ans la famosa sèria animada de Matt Groening, a publicat lo discors de Willie sus YouTube, un discors qu’an ja vist mai de tres milions d’usatgièrs.
 
“Avèm dos tèrces de las resèrvas europèas de petròli, los nòstres òmes s’abilhan pas amb de bragas e destillam un whisky fòrça bon”, çò ditz al messatge, ont soslinha qu’el poiriá èsser lo futur cap d’Escòcia: “En Willie cedirà pas jamai davant los dirigents mondials perque sap quitament pas quals son”.